Дәүләт органнары эшчәнлеге турындагы мәгълүматка ия булу хокукларын бозу өчен административ җаваплылык турында

2010 елның 1 июленнән гражданнар һәм оешмаларның дәүләт эшчәнлеге турындагы мәгълүматка ия булу хокукларын бозу өчен административ җаваплылык билгеләнә. Аерым алганда, федераль закон тарафыннан каралган мәгълүматны гражданнарга һәм оешмаларга хокуксыз рәвештә бирмәү вазыйфаи затларны 1000 - 3000 сум күләмендәге административ штрафка тартылуына китерәчәк. Дәүләт органнарының һәм җирле үзидарә органнарының рәсми сайтларыннан файдалануны тәэмин итүнең технология, программа һәм лингвистика средстволарын бозу, шулай ук “Интернет” челтәрендә федераль закон тарафыннан күрсәтелгән дәүләт органнарының һәм җирле үзидарә органнарының эшчәнлеге турында мәгълүматны урнаштырмау өчен җаваплылык билгеләнгән. Әлеге мәгълүматны бирү өчен акча алучы вазыйфаи затлар 3000 - 5000 сум күләмендәге административ штрафка тартылачаклар.

Бу категориядәге эшләрен карау судьялар компетенциясенә керә, эш кузгату исә прокурор тарафыннан башкарылачак.

«КонсультантПлюс» компаниясе материалларыннан алып әзерләнде