Балалар өчен үтемле вакытта теле- радиотапшырулар трансляцияләүгә чикләүләр билгеләнә

Дәүләт Думасы “Балаларны аларның сәламәтлегенә һәм үсүенә зыян китерә торган мәгълүматлардан саклау турында” федераль закон проектын икенче укылышта кабул итте.

Федераль закон проекты тарафыннан балаларның сәламәтлегенә, әхлакый һәм психологик үсүенә зыян китерә торган мәгълүматларга үтемлелеген чикләүгә, шулай ук балалар сәламәтлегенә һәм үсүенә зыян китерә торган мәгълүмат төрләрен билгеләүгә, мәгълүмати продукциянең балалар арасында әйләнешен төрле хокукый режимнар ярдәмендә чикләү һәм ул әйләнешкә карата таләпләрне билгеләүгә юнәлдерелгән чаралар каралган.

Балаларның яшенә карап, алар өчен үтемле вакытта теле- радиотапшырулар трансляцияләүгә вакыт чиләнмәләрен билгеләргә, гомуми файдаланылыштагы мәгълүмат-телекоммуникация челтәрләрен кулланып мәгълүмати продукция таратуга (шул исәптән Интернет) өстәмә таләпләр кертергә һәм мәгълүмати продукциягә хокук милекчеләре һәм хуҗалары башкарган мәгълүмати продукцияне тикшерүнең нигезләрен һәм тәртипләрен аны классификацияләгәндә ирекле дип билгеләргә тәкъдим ителә. Закон проектында “көндезге вакыт” төшенчәсе ачыклана – җирле вакытның 6-дан 22 сәгатенә кадәр.

Түбәндәге знаклар кулланырга тәкъдим ителә: “6-” (6 яшен тутырмаган балалар өчен); “Балаларга тыела” сүзләрен төшерү белән “6+”,”12+”, “16+”, шулай ук “18+”. Әлеге таләпләрне бозу РФ законнары нигезендә граждан-хокукый административ яисә җинаять җаваплылыгына тартуга китерә.