Медведев Дәүләт Думасына дәүләт хезмәтендә торучыларның яше хакында төзәтмәләр кертте

Россия Президенты Дмитрий Медведев Дәүләт Думасына “Россия Федерациясе дәүләт граждан хезмәте турында” законга төзәтмәләр кертте. Кремль матбугат хезмәте хәбәр итүенчә, бу төзәтмәләр нигезендә дәүләт граждан хезмәтендә торучылар яшенең чиге 60 яшь дип билгеләнә.

2004 елның 27 июлендәге “Россия Федерациясе дәүләт граждан хезмәте турында” Федераль закон тарафыннан дәүләт граждан хезмәтендә тору яшенең чиге 65 яшь дип билгеләнгән. Шул ук вакытта 25 статьядагы 5 бүлегендә граждан хезмәте вазыйфасын билгесез вакытка төзелгән хезмәти шартнамә нигезендә биләүче һәм 60 яшен тутырган граждан хезмәткәрләре белән әлеге шартнамәне сроклы шартнамә итеп, бер елдан алып биш еллык срокка, яңадан төзү каралган. Әлеге норманы куллану практикасы яклар тарафыннан хезмәти шартнамәне яңадан төзү өлешендә байтак проблемалар тудырды.

Шул нигездә төзәтмәләр ярдәмендә граждан хезмәтендә торучылар яшенең чиге 60 яшь итеп билгеләнә. Шул ук вакытта закон проекты белән граждан хезмәтендә торучылар яшенең чигенә җиткән һәм граждан хезмәтен үтәүне дәвам итәргә теләгән граждан хезмәткәренә яллаучы вәкилләре тарафыннан граждан хезмәте срогының граждан хезмәтендә торучылар яшенең чигеннән артык озайтылу мөмкинлеге каралган, әмма 65 яшьтән артык түгел.

Бер үк вакытта федераль законның 21,25 һәм 39 статьяларына кирәгеннән артыклыкны бетерү һәм граждан хезмәтендә торучылар яшенең чик нормаларын тәртипкә салуга юнәлдерелгән үзгәрешләр кертелә.

 

«Юридик Россия» сайты