Татарстан Республикасы Юстиция министрлыгы

ТР Юстиция министрлыгында студентларның практика үтүләре турында

2010 елның 22 июне, сишәмбе

Студентлар практикасы югары һөнәри белем бирүнең төп мәгариф программасының бер өлеше һәм уку процессын оештыру формаларының берсе булып тора.

Татарстан Республикасы Юстиция министрлыгында Казан дәүләт университеты һәм Икътисад, идарә һәм хокук институты (Казан ш.) студентлары ел саен танышу практикасын үтәләр.

Шул нигездә, Министрлыкта практика үтү тәртибе расланды. Әлеге документ дәүләт аккредитациясенә ия булган югары һөнәри белем бирү учреждениеләре студентларның Татарстан Республикасы Юстиция министрлыгы аппараты структур бүлекләрендә, җәмәгать судьялары аппаратында практика үтүгә кагылышлы мәсьәләләрен җайга сала.

Расланган тәртип белән министрлыкта практика үтүче студентларның, шулай ук министрлыкның дәүләт граждан хезмәткәрләре арасыннан билгеләнгән практика җитәкчеләренең һәм белем бирү учреждениеләре укытучыларының төп хокуклары һәм вазыйфалары; министрлыктагы практикаларның төп төрләре, аларның программалары; министрлыкның һәм белем бирү учреждениесенең практика үтүне оештыру һәм уздыруда хезмәттәшлегенең тәртибе билгеләнгән.

Министрлыкта практика белем бирү учреждениеләрендә “Юриспруденция”, “Дәүләт һәм муниципаль идарә” белгечлекләре буенча, шулай ук министрлыкның эшчәнлеге юнәлешләре буенча белем алучы студентлар өчен оештырыла. Студентларның министрлыкта практика үтүләрен оештыру һәм контрольдә тоту кадрлар һәм дәүләт хезмәте бүлегенә йөкләнгән.

Министрлыкта практика министрлык һәм белем бирү учреждениесе арасында төзелгән шартнамә нигезендә уздырыла. Практика уздыру сроклары белем бирү учреждениесе тарафыннан дәүләт мәгариф стандарты нигезендә, студентларның теоретик яктан әзерлекләренә бәйле рәвештә, министрлыкның техник мөмкинлеген исәпкә алып билгеләнә. Министрлыкта практика үтүт өчен документлар үрнәкләре китерелгән.

ТР Минюстында 2010 елның 27 апрелендә теркәлгән. Теркәлү номеры 844.

ТР Юстиция министрлыгы Матбугат Үзәге

БАРЛЫК ЯҢАЛЫКЛАРНЫ УКУ