Хокук бозуларны профилактикалау буенча Татарстан Республикасы Хакимият комиссиясе утырышында

Узган көнне Татарстан Республикасы Министрлар Кабинетында видеоконференция рәвешендә хокук бозуларны профилактикалау буенча Татарстан Республикасы Хакимият комиссиясе утырышы узды.

Көн тәртибенең бер мәсьәләсе булып Татарстан Республикасы юстиция министры М.М.Кормановның “Татарстан Республикасының Балтач, Буа, Биектау, Чүпрәле, Кайбыч, Кама Тамагы һәм Тәтеш муниципаль районнарында хокук бозуларны профилактикалау буенча оештырылган эшчәнлекләрне комплекслы өйрәнү һәм тикшерү нәтиҗәләре турында” мәгълүматы торды.

Үзенең чыгышында министр тикшерү вакытында ачыкланган байтак хәл ителмәгән мәсьәләләрне билгеләп үтте. Балаларның, яшьүсмерләрнең күзәтүчесезлегенә, караучысызлыгына, балигъ булмаганнарның наркоманиясенә, алкоголизмына, рецидивизмына, җинаять кылучанлыгына юл куймауга аерым акцент куелып үтелде, шулай ук төрмәдән кайтканнарны җәмгыятькә кайтару, югарыда күрсәтелгән районнардагы криминоген шартлар турында чагыштырма статистик мәгълүмат бирелде. 

Районда барлыкка килә торган хәлне һәрьяклап өйрәнү һәм тулаем тикшерү максатында министр чыгышында җирле үзидарә органнарының хокук мәсьәләләре буенча район координация комиссияләре составына керүче территориаль башкарма хакимияте белән координациясенә һәм үзара хезмәттәшлегенә аерым игътибар бирелде. Хокук бозуны профилактикалау өлкәсендәге мәсьәләләрне Татарстан Республикасы хокук бозуны профилактикалау буенча Хакимият комиссиясенә кадәр аларны иң элек хокук мәсьәләләре буенча район Координация комиссияләрендә карау турында тәкъдим кертелде.

Юстиция министры чыгышы урыннарда резонанслы булды, югарыда күрсәтелгән һәм башка муниципаль районнарда хокук бозуны профилактикалау буенча эшчәнлекне активлаштыруга этәргеч булды.

 

ТР Юстиция министрлыгы Матбугат Үзәге