Халыкны кабул итү бүлмәсе – халыкны хокукый яктан саклау дәрәҗәсен үстерүгә тагын бер баскыч

Узган көнне Казан шәһәре икътисад, идарә һәм хокук Институты бинасында Татарстан Республикасы Прокуратурасының хокук мәсьәләләре буенча халыкны кабул итү бүлмәсе ачылды.

Кабул итү бүлмәсенең төп бурычы – социаль сакланылыш астында булмаган гражданнарга – пенсионерларга, инвалидларга, студентларга, фәкыйрьләргә, авыр тормыш хәлендә калган гаиләләргә түләүсез нигездә юридик ярдәм күрсәтү.

Ачылу тантанасында Татарстан Республикасы прокурорының урынбасары Г.С.Галимов чыгыш ясады. Ул Прокуратура эшчәнлегенең төп юнәлешләреннән берсе булып гражданнар хокукларын яклау тора дип белдерде. Прокуратура һәм югары уку йортларының тандемы гражданнар хокукларын яклау мәсьәләләрендә үзенең уңай нәтиҗәсен, һичшиксез, бирәчәк. Халыкны кабул итү бүләмәсе – халыкны хокукый яктан яклау дәрәҗәсен үстерүгә һәм гражданнарның юридик ярдәмгә булган конституцион хокукын гамәлгә ашыруга тагын бер баскыч.

Ачылу тантанасында чыгыш ясаган икътисад, идарә һәм хокук Институты, шулай ук “ТИСБИ” Академиясе вәкилләре юридик клиникаларның халыкка булган файдасы турында гына түгел, бәлки студентларга булган уңай тәэсирен ассызыкладылар. Чөнки шундый клиникаларда эшләп булачак юристлар бәяләп бетергесез тәҗрибә алалалар. Прокуратура хезмәткәрләре җитәкчелегендә халыкка профессиональ дәрәҗәдә хокукый ярдәм күрсәтеләчәк, ә инде студентлар, юридик практикага чумып, белгечләр буларак формалашачаклар.

ТР Юстиция министрлыгын тәкъдим итүче Россия юристлары Ассоциациясенең Татарстан региональ бүлегенең җитәкчесе В.Б.Паймухин 1-3 июльдә Санкт-Петербургта узган Россия юристлары Ассоциациясенең беренче яшьләр юридик форумы турында сөйләде. Бу форумның делегатлары Казан югары уку йортларының юридик факультетлары студентлары булды, шул исәптән икътисад, идарә һәм хокук Институтының. Форумда Ассоциация идарәчелеге яшь юристлар өчен түбәндәге өч юнәлеш буенча грант нигезендә конкурс үткәрү турында игълан итте: Россия юристлары Ассоциациясенең яшьләр сайтын булдыру, яшьләр хәрәкәтен үстерү һәм хокукый тематикага социаль реклама.

В.Б.Паймухин шулай ук практика үтмәгән студент чын юрист була алмавын ассызыклады. Юридик практикага чумып чыккан студентлардан дәүләт һәм хокук саклау органнарына кирәкле белгечләр үсеп чыгачак.

 

ТР юстиция министрлыгының Матбугат Үзәге