КФУ студентларының ТР Юстиция министрлыгында практика үтүләре

Студентларның практика үтүләре төп белем бирү программасының мөһим бер өлеше һәм уку процессын оештыру формаларының берсе булып тора.

Шул нигездә 2010 елның 27 апрелендә Татарстан Республикасы Юстиция министрлыгында ТР Юстиция министрлыгында практика үтү тәртибе расланган. Ул дәүләт аккредитациясенә ия булган югары профессиональ белем бирү учреждениеләре студентлары тарафыннан Татарстан Республикасы Юстиция министрлыгы аппаратының, Татарстан Республикасы җәмәгать судьялары аппаратының структур бүлекчәләрендә практика үтү мәсьәләләрен җайга сала, шул исәптән министрлыкта практика үтүче студентларның, шулай ук практика җитәкчеләренең төп хокуклары һәм вазыйфалары, практиканың төп төрләре һәм аларның программалары; министрлык һәм белем бирү учреждениесенең практика оештыру һәм үткәрү мәсьәләләре буенча хезмәттәшлеге билгеләнгән

Министрлыкта практика белем бирү учреждениесендә “Юриспруденция”, “Дәүләт һәм муниципаль идарә” белгечлекләре, шулай ук министрлык эшчәнлеге юнәлешләре буенча белем алучы студентлар өчен оештырыла. Министрлыкта практика үтүне оештыру һәм аны контрольдә тоту вазыйфасы кадрлар һәм дәүләт хезмәте бүлегенә йөкләнгән.

Министрлыкта практика министрлык һәм белем бирү учреждениесе арасында төзелгән Шартнамә нигезендә гамәлгә ашырыла. Практика үтү сроклары дәүләт мәгариф стандарты нигезендә белем бирү учреждениесе тарафыннан студентларның теоретик яктан әзерлекләре һәм министрлыкның техник мөмкинлекләрен исәпкә алып билгеләнә.

2010 елның 1 июленнән ТР Юстиция министрлыгында Казан (Идел буе) Федераль университеты юридик факультетының 253 2 нче курс көндезге бүлек студенты танышу практикасын үтәләр.

Практик дәресләр башланыр алдыннан Татарстан Республикасы Юстиция министрлыгы традициясе буенча Россия юристлары Ассоциациясенең Татарстан региональ бүлеге рәисе М.М.Корманов студентларга министрлык эшчәнлегенең төп юнәлешләре, Россия юристлары Ассоциациясе, аның Татарстан региональ бүлеге эшчәнлеге турында сөйләде. Очрашу барышында Мидхәт Мәзгутович безнең республикабызда яшь юристларны кызыксындырган юрист һөнәре һәм аның җәмгыяви активлыгы белән бәйле мәсьәләләрне хәл итәр өчен булачак юристлар “Татарстан Республикасы яшь юристлары бердәмлеге” яшьләр оешмасына берләшүе турында хәбәр итте.

“Россия юристлары Ассоциациясе” Гомумроссия җәмгыять оешмасы химаясе астында 2010 елның 2 июлендә Санкт-Петербург шәһәрендә беренче яшьләр юридик форумы уздырылды, аның эшчәнлегендә Россиянең барлык регионнарыннан 400 гә якын 3-5 курс студентлары катнашты, шул исәптән 5 кеше Татарстаннан. Анда “Юрист булу нәрсәне аңлата?”, “Форумда катнашучылар ни өчен юридик белем алуны сайлаганнар?”, шулай ук юрист этикасы, юрист һөнәренең җәмгыятьтәге роле кебек мәсьәләләр һәм башка мәсьәләләр буенча актив рәвештә фикер алышынды.

Шуннан соң дәресләр графигы буенча министрлык структур бүлекләренең җитәкчеләре практика үтү графигы нигезендә булачак юристларны министрлык вәкаләтләре, закон проектлары белән эшләү бүлеге, ТР норматив хокукый актларының бердәм банкы, мәгълүматлаштыру һәм компьютер системасы бүлеге, ТР җәмәгать судьялары эшчәнлеген хокукый яктан тәэмин итү бүлеге эшчәнлеге һәм шулай ук министрлыкның эшләр башкару һәм документларның электрон әйләнеше белән таныштыралар.Студентлар Хокук мәсьәләләре буенча җирле үзидарә органнары белән үзара хезмәттәшлек оештыру Департаменты башлыгының урынбасары белән очраштылар, Татарстан Республикасының коррупциягә каршы сәясәте Стратегиясен гамәлгә ашыру турында лекция тыңладылар.

Студентлар практикасы шулай төзелгән ки, алар министрлык аппараты эшчәнлеге белән танышып калмыйлар, бәлки җәмәгать судьялары аппараты эшчәнлеге үзенчәлекләрен дә үзләштерәләр. Җәмәгать судьялары суд участокларында булачак юристлар җәмәгать судьясының эшләр башкаруы, суд процесслары һәм процессуаль документлар белән таныша.

 

ТР Юстиция министрлыгының Матбугат Үзәге