Республиканың 31 муниципаль районында “Гадәттән тыш хәл” режимы кертелде

Авыл хуҗалыгы культураларының корылык нәтиҗәсендә үлүе һәм зыян күрүе аркасында Татарстан Республикасы азык-төлек иминлегенә куркыныч янавын булдырмау максатларында 30.06.2010 елдагы 1005-р номерлы ТР Министрлар Кабинеты карары нигезендә идарә органнары һәм гадәттән тыш хәлләрне кисәтү һәм булдырмау бердәм дәүләт системасының Татарстан Республикасы территориаль подсистемасының муниципаль звенолары көчләре өчен республиканың 31 муниципаль районы территорияләрендә “Гадәттән тыш хәл” режимы кертелде.

Документ нигезендә: “ Агымдагы елның 30 июненнән идарә органнары һәм гадәттән тыш хәлләрне кисәтү һәм булдырмау бердәм дәүләт системасының Татарстан Республикасы территориаль подсистемасының муниципаль звенолары көчләре өчен Азнакай, Аксубай, Актаныш, Алексеевск, Әлки, Әлмәт, Апас, Баулы, Бөгелмә, Буа, Югары Ослан, Алабуга, Зәй, Зеленодольск, Кайбыч, Кама Тамагы, Лениногорск, Мамадыш, Менделеевск, Минзәлә, Мөслим, Түбән Кама, Яңа Чишмә, Норлат, Саба, Сарман, Спас, Тәтеш, Тукай, Чирмешән һәм Ютазы муниципаль районнары чикләренең административ территорияләрендә “Гадәттән тыш хәл” режимын кертергә.

 

«Гарант» компаниясе материалларыннан алып әзерләнде