ТР Юстиция министрлыгында Экспертлар советы утырышында

Бүген Татарстан Республикасы Юстиция министрлыгында хокук мәсьәләләре буенча Ведомствоара координацион комитеты Экспертлар советының чираттагы утырышы узды. Анда өч закон проекты каралды.

Экспертлар советы әгъзалары “Халыкны һәм территорияләрне гадәттән тыш хәлләрдән саклау” турында Татарстан Республикасы Законына үзгәрешләр кертү турында” закон проектын (эшләп чыгаручысы – Татарстан Республикасы граждан оборонасы һәм гадәттән тыш хәлләр министрлыгы) хупладылар.

“Халыкны һәм территорияләрне гадәттән тыш хәлләрдән саклау” турында Татарстан Республикасы Законына үзгәрешләр кертү турында” Татарстан Республикасы законы проектын эшләү Татарстан Республикасы законнарын халыкны һәм территорияләрне гәдәттән тыш хәлләрдән саклау өлкәсендә, су объектларында кешеләрнең иминлеген тәэмин итү мәсьәләләрен хокукый яктан җайга салу өлешендә федераль законнар белән тәңгәллеккә китерү белән бәйле.

Күрсәтелгән закон проекты тарафыннан “Халыкны һәм территорияләрне гәдәттән тыш хәлләрдән саклау” 08.12.2004 елдагы 62—ТРЗ номерлы Татарстан Республикасы Законының 4, 5, 17 һәм 18 статьяларына, халыкны һәм территорияләрне гәдәттән тыш хәлләрдән саклау принципларын өстәү, су объектларында кешеләрнең иминлеген тәэмин итүдә җәмәгать оешмалары компетенцияләрен конкретлаштыру, шулай ук халыкны һәм территорияләрне гәдәттән тыш хәлләрдән саклау турындагы белемнәрне пропагандалау чараларны гамәлгә ашыру өлешендә үзгәрешләр кертергә тәкъдим ителә.

“Татарстан Республикасында энергияне саклау һәм энергетика нәтиҗәлелеген арттыру турында” (эшләп чыгаручысы – Татарстан Республикасы сәнәгать һәм сәүдә министрлыгы) һәм “Татарстан Республикасында хезмәтне саклау турында” Татарстан Республикасы Законының 5 һәм 22 статьяларына үзгәрешләр кертү турында” (эшләп чыгаручысы – Татарстан Республикасы Хезмәт, халыкны эш белән тәэмин итү һәм социаль яклау министрлыгы) закон проектлары җиренә җиткереп эшләү өчен кире җибәрелделәр.

Экспертлар советы утырышын Татарстан Республикасы юстиция министры М.М.Корманов алып барды.

 

ТР Юстиция министрлыгының Матбугат Үзәге