Татарстан Республикасында “Татарстан Республикасы Конституция суды эшчәнлеге турында мәгълүматка үтемлелекне тәмин итү турында” Татарстан Республикасы Законы кабул ителде

“Россия Федерациясендә судлар эшчәнлеге турында мәгълүматка үтемлелекне тәэмин итү турында” 22.12.2008 елдагы 262-ФЗ номерлы Федераль закон 2010 елның 1 июлендә үз көченә керде. Югарыда күрсәтелгән Законны башкару нигезендә Татарстан Республикасында “Татарстан Республикасы Конституция суды эшчәнлеге турында мәгълүматка үтемлелекне тәмин итү турында” Закон кабул ителде.

Закон тарафыннан “Татарстан Республикасы Конституция суды турында” Федераль закон һәм ТР Законы тарафыннан җайга салынмаган өлешендә Татарстан Республикасы Конституция суды эшчәнлеге турында мәгълүматка үтемлелекне тәмин итү үзенчәлекләре билгеләнә. Закон эшчәнлеге мәгълүматтан файдаланучыларны Конституция суды эшчәнлеге турындагы мәгълүмат белән тәэмин итү белән бәйле мөнәсәбәтләргә кагыла.

Конституция суды эшчәнлеге турындагы мәгълүмат телдән һәм документ рәвешендә тәкъдим ителә ала. Әлеге мәгълүмат гомумкулланылыштагы элемтә челтәрләреннән бирелә ала, мәгълүмат республика дәүләт телләрендә бирелә.

Конституция суды эшчәнлеге турындагы мәгълүматка үтемлелекне структур бүлекчәсенең билгеләнгән вәкаләтле вәкиле яисә вазыйфаи заты тарафыннан тәэмин ителә. Конституция суды үз эшчәнлеге турында мәгълүматны Интернет челтәреннән файдаланып урнаштыра. Анда ул үзенең рәсми сайтын булдыра, гаризалар кабул итәр өчен электрон почта адресын күрәтә. Закон рәсми басылып чыккан көннән 10 көн узгач үз көченә керә. Закон тексты 2010 елның 10 июлендәге 139-140 номерлы "Республика Татарстан" газетасында, 2010 елның 17 июлендәге 145 номерлы "Ватаным Татарстан" газетасында дөнья күрде.  

 

 

ТР Юстиция министрлыгының Матбугат Үзәге