Электрон документ төшенчәсе билгеләнде

РФ Президенты “Дәүләт һәм муниципаль хезмәт күрсәтүләрне оештыру турында” Федераль законны кабул итү нигезендә Россия Федерациясенең аерым закон чыгаручы актларына үзгәрешләр кертү турында” 2010 елның 29 июлендәге 227-ФЗ номерлы Федераль законга кул куйды.

Документ элемтә һәм телекоммуникация өлкәсендә кебек үк дәүләт хезмәт күрсәтүләре өлкәсендә дә электрон документлар әйләнешенең бердәм терминологиясен билгели. Аерым алганда, хәзер Россия законнарында “электрон документ” терминынңың билгеләмәсе урнаштырылган. Бу электрон рәвештә бирелгән документлаштырылган мәгълүмат, яисә кеше тарафыннан ЭИМ кулланып кабул ителергә яраклы, шулай ук мәгълүмати телекоммуникацион челтәрләр аша яки мәгълүмати системаларда эшкәртү.

Элегрәк “Дәүләт органнары һәм җирле үзидарә органнары эшчәнлеге турындагы мәгълүматка үтемлелекне тәэмин итү турында” 2009 елның 9 февралендәге 8-ФЗ номерлы һәм “Россия Федерациясе судлары эшчәнлеге турындагы мәгълүматка үтемлелекне тәэмин итү турында” 2008 елның 22 декабрендәге 262-ФЗ номерлы федераль законнар 2010 елның беренче яртысы дәверендә үз көчләренә керү нигезендә дәүләт органнары һәм җирле үзидарә органнары мәгълүматка үтемлелекне мәгълүмати-телекоммуникацион челтәрләрне, шул исәптән Интернетны, кулланып тәэмин итәргә бурычлы булдылар.Гражданнарның һәм оешмаларның дәүләт органнары белән Интернет аша хезмәттәшлегенең төп принциплары 15.06.2009 елдагы 478 номерлы РФ Хакимияте карарында беркетелгән.

ЭЦП рәвешендә имзаланган электрон документ кәгазьдә шәхсән имзаланган документка тиңләштерелә. Искәртеп үтик, ЭЦП – ул электрон документның ЭЦП бикле ачкычын кулланып мәгълүматны криптографик матдә рәвешендә бирү нәтиҗәсендә алынган, аны ясалмадан саклый торган һәм имза ачкычы сертификатының хуҗасын идентификацияләүче, шулай ук электрон документтагы мәгълүматның бозылмавына инанырга мөмкинлек бирүче реквизиты.

Законнарга төзәтмәләр "Электрон Россия" Федераль максатчан программаны гамәлгә ашыру кысаларында кертелде (28.01.2002 елдагы 65 номерлы РФ Хакимияте Карары). Башта ук ул 2010 елга кадәрге чорга исәпләнгән иде, әмма хәзер исә аны гамәлгә ашыру срогы 2 елга кадәр дәвам иттерелде.

 

Чыганак: ИА "ГАРАНТ"