Татарстан Республикасында “Татарстан Республикасында җәмәгать судьялары эшчәнлеге турындагы мәгълүматка үтемлелекне тәэмин итү хакында” Закон кабул ителде

2010 елның 9 августы, дүшәмбе
2010 елның 24 июлендә Татарстан Республикасы Президенты “Татарстан Республикасында җәмәгать судьялары эшчәнлеге турындагы мәгълүматка үтемлелекне тәэмин итү хакында” 55-ТРЗ номерлы Законга кул куйды. Закон 262-ФЗ номерлы Федераль законны башкаруга юнәлдерелгән, ул Татарстан Республикасы җәмәгать судьялары эшчәнлеге турында мәгълүматка үтемлелек тәэмин итүнең үзенчәлекләрен, Федераль закон тарафыннан җайга салынмаган өлешендә, билгели.
Закон нигезләмәләре нигезендә җәмәгать судьялары эшчәнлеге турында мәгълүмат телдән һәм документ рәвешендә, шулай ук электрон рәвештә бирелә ала. Мәгълүмат язма рәвештә мәгълүматтан файдаланучының язма гаризасына җавап булып килгән очракларда әзерләнә, әгәр дә мәгълүматны бирүнең башка төре билгеләнмәгән булса. Мәгълүмат Татарстан Республикасының дәүләт телләрендә бирелә.
Җәмәгать судьялары эшчәнлеге турында мәгълүмат гомумкулланылыштагы мәгълүмат системаларында, шул исәптән Интернет челтәрендә, шулай ук Татарстан Республикасы җәмәгать судьясы бүлмәсендә, үзе билгеләгән тәртиптә урнаштырыла. Җәмәгать судьялары үзләренең эшчәнлеге турында мәгълүматны үзләренең рәсми сайтларында гаризалар җибәрү өчен электрон адресларын күрсәтеп, урнаштыралар.
Закон рәсми рәвештә басылып чыкканнан соң 10 көн узгач үз көченә керә. Закон тексты 2010 елның 28 июлендәге 152 номерлы "Ватаным Татарстан" газетасында һәм 2010 елның 30 июлендәге 154 номерлы "Республика Татарстан" газетасында дөнья күрде.
 
ТР Юстиция министрлыгы Матбугат Үзәге
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International