Административ хокук бозулар турында Татарстан Республикасы Кодексына үзгәрешләр кертү хакында

2010 елның 30 июлендә 61-ТРЗ номерлы Татарстан Республикасы Законы нигезендә Татарстан Республикасы Кодексына үзгәрешләр кертелде. Аерым алганда, җирле үзидарә органнарының муниципаль хокук актларын үтәмәү кебек административ хокук бозулар һәм муниципаль берәмлекләрнең рәсми символларын куллану тәртибен бозу турындагы эшләрне карау. Элегрәк күрсәтелгән хокук бозулар җәмәгать судьялары тарафыннан карала иде.

Төзекләндерү өлкәсендә контроль эшен башкара торган органнарның вазыйфаи затларының урамда сәүдә итү өчен, җир асты коммуникацияләрен тоту тәртибен бозган өчен, урам һәм квартал эчен яктырту җиһазларын тоту кагыйдәләрен бозган өчен, тышкы мәгълүмат урнаштыру тәртибен, торак җир һәм шәһәр округларын тоту кагыйдәләрен бозган өчен административ хокук бозулар турындагы беркетмәләр төзергә хокуклары бетерелгән.

Күрсәтелгән хокук бозулар өчен, шулай ук этләрне урамга алып чыгып йөртү тәртибен, җирле әһәмиятттәге мәдәни мирас объектларын саклау, алардан файдалану таләпләрен, муниципаль милектәге торак фонды булмаган объект белән идарә итү тәртибен бозган өчен, транспортта хокук бозган өчен административ хокук бозулар турындагы беркетмәләр төзү хокукы күрсәтелгән административ хокук бозулар турында беркетмәләр төзергә вәкаләтләре булган вазыйфаи затлар исемлеген билгеләргә вәкаләтле җирле үзидарә органнарының вазыйфаи затларына йөкләнелгән.

Җирле үзидарә органнарының вазыйфаи затлары Россия Федерациясе һәм Татарстан Республикасы тарафыннан йөкләнелгән контроль (күзәтү) буенча вәкаләтләрне башкарганда, шулай ук муниципаль контроль башкарганда күрсәтелгән хокук бозулар өчен беркетмәләр төзиләр.

Закон рәсми басылып чыккан көненнән 10 көн узгач үз көченә керә.

Закон тексты "Республика Татарстан" газетасының от 3.08.2010 елдагы санында, "Ватаным Татарстан" газетасының 4.08.2010 елдагы 157 санында дөнья күрде.

 

ТР Юстиция министрлыгы Матбугат Үзәге