Урманнарда дәүләт янгын куркынычсызлыгын саклауны башкару турында

Илебезнең регионнарында янгын куркынычы шартлары саклану сәбәпле РФ Хакимияте 03.08.2010 елдагы 595 номерлы Карары нигезендә урманнарда дәүләт янгын куркынычсызлыгын саклауны башкару турында Нигезләмә расланды. Бу Нигезләмә тарафыннан урманнарда дәүләт янгын куркынычсызлыгын саклау тәртибен билгели.

Урманнарда дәүләт янгын куркынычсызлыгын саклау максатлары булып юридик затлар һәм гражданнар, шул исәптән шәхси эшкуарлар тарафыннан урманнарда янгын куркынычсызлыгы таләпләрен саклауны тәэмин итү һәм тикшерүләр нәтиҗәләреннән чыгып, “Янгын куркынычсызлыгы турында” Федераль закон, Россия Федерациясе Урман кодексы һәм әлеге Нигезләмә нигезендә чаралар куллану тора.

Документ нигезендә урманнарда дәүләт янгын куркынычсызлыгын саклауны ветеринар һәм фитосанитар күзәтү буенча Федераль хезмәте, табигатьтән файдалану өлкәсендә күзәтү буенча Федераль хезмәте, аларның территориаль органнары һәм РФ субъектларының башкарма хакимияте органнары гамәлгә ашыра.

Ветеринар һәм фитосанитар күзәтү буенча Федераль хезмәте арадашчысыз һәм шулай ук үзенең территориаль органнары аша урман фонды җирләрендә урнашкан урманнарда, лесничество һәм лесопарклар мөнәсәбәтләрендә дәүләт янгын куркынычсызлыгын саклауны гамәлгә ашыра. РФ субъектларының тиешле вәкаләтләре бетерелгән булса, билгеләнгән тәртиптә, шулай ук урманнар урнашкан оборона һәм иминлек җирләрендә күрсәтелгән вәкаләтләр гамәлгә ашырыла.

Табигатьтән файдалану өлкәсендә күзәтү буенча Федераль хезмәте арадашчысыз һәм шулай ук үзенең территориаль органнары аша федераль әһәмияттәге аеруча саклана торган табигать территорияләре җирләрендә урнашкан урманнарда дәүләт янгын куркынычсызлыгын саклауны гамәлгә ашыра.

РФ субъектларының башкарма хакимият органнары РФ субъектларының тиешле территорияләрендәге лесничестволарында һәм лесопаркларында урнашкан урманнарда дәүләт янгын куркынычсызлыгын саклау гамәлгә ашырыла.

Нигезләмәдә урманнарда дәүләт янгын куркынычсызлыгын саклауны гамәлгә ашыра торган дәүләт хакимияте башкарма органнарының вазыйфаи затлары хокуклары һәм вазыйфалары билгеләнгән.

Урманнарда дәүләт янгын куркынычсызлыгын саклауны гамәлгә ашыру мәсьәләләре буенча методик җитәкчелек Россия Федерациясе авыл хуҗалыгы министрлыгы һәм Россия Федерациясе табигать ресурслары һәм экология министрлыгы тарафыннан аларның компетенцияләре кысаларында гамәлгә ашырыла.

 

ТР Юстиция министрлыгы Матбугат Үзәге