ТР Юстиция министрлыгында “Татарстан Республикасының дәүләт-шәхси партнерлыкта катнашуы турында” ТР закон проекты хакында фикер алышу узды

2010 елның 13 августында ТР Юстиция министрлыгында “Татарстан Республикасының дәүләт-шәхси партнерлыкта катнашуы турында” Татарстан Республикасы законының проекты мәсьәләсе буенча киңәшмә узды.

“Татарстан Республикасының дәүләт-шәхси партнерлыкта катнашуы турында” Татарстан Республикасы законы проекты ТР Премьер-министрының 3.02.2010 елдагы 3413-МР номерлы боерыгын үтәү нигезендә эшләнде. Әлеге закон проекты тарафыннан Татарстан Республикасы исеменнән дәүләт-шәхси партнерлык турындагы килешүләрне төзү һәм аларны үтәү тәртибе җайга салына, дәүләт-шәхси партнерлыкларда Татарстан Республикасының катнашу максатлары, принциплары һәм шартлары билгеләнә. Моннан тыш, закон проекты нигезендә дәүләт-шәхси партнерлык төшенчәсе һәм аны Татарстан Республикасы территориясендә гамәлгә ашыру механизмы билгеләнә, Татарстан Республикасының дәүләт-шәхси партнерлыкларда катнашу формалары һәм шартлары билгеләнә, шулай ук килешү объектларын барлыкка китерүне (реконструкцияләүне) һәм (яисә) килешү объектларын эксплуатацияләүне финанслауда Татарстан Республикасының катнашуы, Татарстан Республикасы хакимиятенең башкарма органнарының дәүләт-шәхси партнерлык турында килешүләрне төзү, башкару вакытындагы вәкаләтләре билгеләнә.  

Киңәшмә ТР Юстиция министрының беренче урынбасары С.Н.Столяров җитәкчелегендә һәм ТР Юстиция министрлыгы, Татарстан Республикасы кече һәм урта эшкуарлыкны үстерү буенча комитет вәкилләре катнашында узды.

Утырышта “Татарстан Республикасының дәүләт-шәхси партнерлыкта катнашуы турында” Татарстан Республикасы законы проектын җиренә җиткереп эшләргә һәм эш барышы тәртибендә Экспертлар советына фикер алышуга чыгарырга карар кылынды.

 

ТР Юстиция министрлыгы Матбугат Үзәге