Татарстан Республикасының Коррупциягә каршы сәясәт стратегиясен гамәлгә ашыру турындагы Республика программасы чараларын башкару буенча видеоконференция режимында узган киңәшмә

Бүген видеоконференция режимында муниципаль районнарның җирле үзидарә органнары һәм шәһәр округлары вәкилләре белән киңәшмә үтте. Аның барышында “Татарстан Республикасы Министрлар Кабинетының 22.09.2008 елдагы 693 номерлы карары белән расланган, 2009-2011 елларга Татарстан Республикасының коррупциягә каршы сәясәт стратегиясен гамәлгә ашыру турындагы Республика программасына үзгәрешләр кертү хакында” 18.08.2010 елдагы 666 номерлы Татарстан Республикасы Министрлар Кабинеты карарын гамәлгә ашыру чаралары турында” мәсьәләсе күтәрелде.

Киңәшмә инициаторы һәм үткәрүчесе – Татарстан Республикасы Юстиция министрлыгы.

Мәсьәләне тикшерү Татарстан Республикасының Коррупциягә каршы сәясәтне гамәлгә ашыру бүлеге баш киңәшчесе А.Ю.Панкратов катнашында барды.

Киңәшмә эшендә республика ммнистрлыклары һәм ведомстволары, шулай ук муниципаль район һәм шәһәр округларының коррупциягә каршы сәясәтне гамәлгә ашыру комиссияләре җитәкчеләре катнашты.

Киңәшмәне Татарстан Республикасы юстиция министры М.М.Корманов алып барды.

Доклад белән Юстиция министрлыгының мәгълүмат-аналитика эше, координацияләү һәм планлаштыру бүлеге җитәкчесе Чашин А.М. чыгыш ясады.

А.М.Чашин үз чыгышында әлеге чараны үткәрүнең актуальлеген ассызыклады, 2010 елның 18 августында Татарстан Республикасы Министрлар Кабинеты тарафыннан “Татарстан Республикасы Министрлар Кабинетының 22.09.2008 елдагы 693 номерлы карары белән расланган, 2009-2011 елларга Татарстан Республикасының коррупциягә каршы сәясәт стратегиясен гамәлгә ашыру турындагы Республика программасына үзгәрешләр кертү хакында” карар кабул ителгәнлекне искәртте.

Әлеге карар белән коррупциягә каршы эшчәнлекне норматив хокукый һәм оештыру ягыннан тәэмин итүгә юнәлдерелгән чаралар исемлеге киңәйтелә, аерым алганда, Коррупциягә каршы көрәш Милли планы нигезендә коррупциягә каршы эшчәнлекнең ведомство һәм муниципаль программаларын үз вакытында төзәтүне тәэмин итү; дәүләт һәм муниципаль милекне исәпкә алу системасын һәм аннан файдалануның нәтиҗәлелеген бәяләүне камилләштерү чаралары билгеләнә.

2010-2011 елларга үзидарәле оешмалар эшчәнлегенә мониторинг үткәрү, вазыйфаларына коррупциягә каршы көрәштә катнашу кергән Татарстан Республикасы дәүләт граждан хезмәткәрләрен яңадан әзерләү һәм аларның квалификацияләрен күтәрүне оештыру; җәмгыятьтә коррупциягә тискәре караш һәм коррупциячел тәртипкә нәфрәт формалаштыру эшләрен үткәрү планлаштырыла.

Татарстан Республикасы дәүләт һәм муниципаль органнары эшчәнлеге элемтәләрен гражданнар җәмгыяте белән ныгыту, җәмгыятьнең коррупциягә каршы активлыгын кызыксындыруга юнәлдерелгән чаралар тәгаенләнде.

Өстәмә рәвештә дәүләт һәм муниципаль заказны формалаштыру һәм аның белән идарә итү процедураларын һәм механизмнарын камимлләштерүне тәэмин итү; дәүләт һәм муниципаль милектән файдалану, дәүләт һәм муниципаль ихтыяҗлар өчен товарлар кайтарту, эшләр башкару, хезмәт күрсәтүне җайга сала торган федераль законнарны үтәүгә контрольне көчәйтү чаралары кертелде.

Комиссияләр тарафыннан Программаның моңарчы булган чараларын гамәлгә ашыру өлешендә Татарстан Республикасының Коррупциягә каршы сәясәтне гамәлгә ашыру бүлеге баш киңәшчесе А.Ю.Панкратов чыгыш ясады.

Киңәшмә ахырында Татарстан Республикасы юстиция министры М.М.Корманов чыгыш ясады. Ул үз чыгышында Татарстан Республикасының норматив базасы Россиядә иң яхшысы булуын хәбәр итте, ләкин шул ук вакытта программа чараларын гамәлгә ашырылуының сүлпән барышына үз ризасызлыгын белдерде.

ТР Юстиция министрлыгы Матбугат үзәге