Банкларны рекламаларда бер шрифт белән генә язарга мәҗбүр итәчәкләр

Банкларны үзләренең кредит продуктларын тәкъдим итү рекламаларында барлык шартларны язарга мәҗбүр итү көтелгән нәтиҗәне бирмәгән. Әлеге хәл моннан берничә ел элек булган булса да, банклар әлеге хәлдән коры чыгу юлын тапкан. Алар күпчелек очракта кредитның барлык шартлары турында чын дөресен реклама кырыенда вак шрифт ярдәмендә яздылар.

Файдалы шартларда бирелә торган кредит ставкалары турында эре шрифт белән язылган өч-дүрт сүзне уку йөкләмәләр, штрафлар һәм өстәп түләүләр турында вак шрифт белән сырланган мәгълүматны укуга караганда күпкә кызыграк.

Монополиягә каршы Федераль хезмәт гражданнарга ярдәмгә ашыга һәм яңадан законга төзәтмәләр кертү тәкъдиме белән чыкты. Хәзер инде кредит продуктларының барлык шартларын санау гына җитәрлек түгел, чөнки барлык шартлар бер үк шрифтта язылырга тиеш булачак. Реклама хезмәткәрләренә “Иң кулай шартларда кредит” сүзтезмәсе шрифты белән бер үк калыпта штрафлар һәм пенялар турындагы мәгълүматны сыйдыру өчен шактый тир түгәргә туры килмәгәе. Телевидениедә исә банк хезмәтләре турындагы реклама нинди үзгәреш кичерәчәге хакында уйлау да куркыныч.

Юридическая Россия