Медиация үсеше перспективалары турындагы семинарда ТР юстиция министры М.М.Кормановның чыгышы

2010 елның 5 октябрендә Татарстан республикасы Дәүләт Советында семинар булып узды, анда “Бәхәсләрне арадашчы катнашуында җайга салу альтернатив процедурасы (медиация процедурасы) турында” Федераль закон кабул ителү белән бәйле рәвештә медиация үсеше перспективалары турындагы мәсьәләләр тикшерелде. Европа Берлеге финанслаган “Россия Федерациясендә гаделхөкемгә үтемлелекне яхшырту” проектның төп максаты – барлык гражданнарның гаделхөкемгә гадел үтемлелеген тәэмин итү юлы белән Россия Федерациясендә законның өстенлеген арттыруга булышлык итү.

Проектның төп бенефициары – Россия Федерациясе Президентының Дәүләт хокукый идарәсе.

Мәсьәләләр хакында фикер алышуда РФ Президенты Дәүләт хокукый идарәсенең референты О.А.Тарасов, Медиация һәм хокук фәнни-методик үзәк Президенты, Россия юристлары Ассоциациясенең бәхәсләрне хәл итү альтернатив методлары һәм медиация подкомиссиясе Рәисе Ц.А.Шамликашвили, шулай ук РФ Югары Суды каршындагы Суд департаменты һәм РФ Финанс министрлыгының вәкилләре катнаштылар.

Медиация процедурасына багышланган доклады белән семинарда Татарстан Республикасы юстиция министры М.М.Корманов чыгыш ясады. Ул 2010 елның июлендә кабул ителгән федераль законнарның төп нигезләмәләре турында сөйләде, аерым алганда 2011 елның 1 гыйнварыннан үз көчләренә керәчәк “Бәхәсләрне арадашчы катнашуында җайга салу альтернатив процедурасы (медиация процедурасы) турында” 193-ФЗ номерлы Федераль законга һәм “Бәхәсләрне арадашчы катнашуында җайга салу альтернатив процедурасы (медиация процедурасы) турында” Федераль законны кабул итү нигезендә Россия Федерациясенең аерым закон актларына үзгәрешләр кертү турында” 194-ФЗ номерлы Федераль законга тукталды.

 

ТР юстиция Министрлыгы Матбугат Үзәге