Күчемсез милекне дәүләт тарафыннан теркәү турында законны үзгәртергә тәкъдим ителә

Икътисади үсеш министрлыгы үзенең сайтында «Күчемсез милекне һәм аның белән башкарган эшләрне дәүләт тарафыннан теркәү турында» Федераль законга һәм «Күчемсез милекнең дәүләт кадастры турында» Федераль законга үзгәрешләр кертү хакында» федераль закон проектын әзерләп урнаштырды.

Теркәү турында Закон һәм Кадастр турында Закон нигезләмәләре нигезендә гариза бирүчегә документлар почта аша игълан ителгән кыйммәтлек, салынган әйберләр исемлеге һәм (гаризада күрсәтелгән тиешле билгеләмә булганда) тапшыру турында белешмә белән җибәрелә. Почта җибәрүләренә караган әлеге таләпләр җибәрүләрнең саклануын тәэмин итүгә юнәлдерелгән.

Шуның белән бергә кайбер очракларда күрсәтелгән таләпләр артык булырга һәм төшерелергә мөмкин. Почта җибәрүләренә караган таләпләрнең мондый төр төшерүләре хокуклыларның мәнфәгатьләрен һәм хокукларын бозуга китермәячәк.

Шуңа күрә гариза бирүчегә хокукны дәүләт тарафыннан теркәүгә җибәрелгән документларны (документларның төп нөсхәсен), шулай ук хокукны дәүләт тарафыннан теркәү турында свидетельстволар яки кадастр белешмәләрен почта аша игълан ителгән кыйммәтлек, салынган әйберләр исемлеге һәм (гаризада күрсәтелгән тиешле билгеләмә булганда) тапшыру турында белешмә белән җибәрүгә караган таләпләрне саклап калу максатчанрак санала.

Бүтән очракларда гариза бирүчегә тиешле документларны заказлы почта җибәрүләре аша юнәлдерергә тәкъдим ителә.

Гражданнарның шәхси торак төзү объектларын, әгәр бу объектлар төзелеп бетмәгән объектлар рәтенә керә икән, дәүләт тарафыннан теркәүне гадиләштерү өчен Теркәү турындагы Законның 25.3 статьясына үзгәрешләр кертергә тәкъдим ителә.

Төзелеп бетмәгән объектларны граждан әйләнешенә кертү өчен 2015 елның 1 мартыннан шәхси торак төзү объектларын, әгәр бу объектлар төзелеп бетмәгән объектлар рәтенә керә икән, төзүгә рөхсәт кәгазе тапшырмыйча, дәүләт тарафыннан теркәүне гамәлгә ашыру мөмкинлеген билгеләргә тәкъдим ителә.