Россия Федераль салым хезмәте һәм Эчке эшләр министрлыгы салымнар түләүдән качып йөрүчеләргә каршы көрәштә хезмәттәшлекне дәвам итәчәкләр

13 октябрь көнне Федераль салым хезмәте һәм Россия Эчке эшләр министрлыгы арасында Хезмәттәшлек турында килешү төзелде. Ул түбәндәге әһәмияткә ия булган юнәлешләрдә гамәлгә кертеләчәк:

 

- салым түләүдән тайпылып йөрүче оешмалар һәм физик затларның хокуксыз эшчәнлеген аерып алу һәм тыю;

- салымнар һәм җыемнар, валюта контроле турындагы законнарны бозуны аерып алу һәм тыю;

- өстәлгән бәягә салым күләмен федераль бюджеттан хокуксыз рәвештә алуны тыю.

Килешүдә гражданнарның шәхси мәгълүматларын саклау, аларның иминлеген хуҗалык субъектларының коммерциячел серләрен саклауны тәэмин итүгә зур игътибар бирелгән. Килешүдә норматив хокукый актларны эшләп чыгару, кадрларның квалификация дәрәҗәләрен күтәрү максатында тәҗрибә алмашу һәм икътисад өлкәсендә хокук бозуларны, җинаятьләрне тыю һәм булдырмау мәсьәләләре буенча экспертизаларны һәм консультацияләрне бергә үткәрү каралган.

Килешү кул куелган көннән үк үз көченә керә.