Җир турындагы законнарны камилләштерү мәсьәләләре турында

Бүген Татарстан Республикасы Авыл хуҗалыгы һәм азык-төлек министрлыгында Татарстан Республикасы Дәүләт Советы экология, табигатьтән файдалану һәм аграр мәсьәләләр буенача Комитетының, Татарстан Республикасы Дәүләт Советы “Татарстан Республикасында 2008-2012 елларда авыл хуҗалыгын үстерү” республика максатчан программаны гамәлгә ашыруны контрольдә тоту буенча Комиссиянең уртак сәфәр утырышы узды.

Утырышта катнашучылар “Татарстан Республикасында 2008-2012 елларда авыл хуҗалыгын үстерү” республика максатчан программаны башкару нәтиҗәләре, Мөслим районы үрнәгендә Татарстан Республикасының аграр сәнәгать комплексында кече һәм урта эшкуарлык субъектларына дәүләт тарафыннан ярдәм итү чаралары, җир турындагы законнарны үстерү һәм башка мәсьәләләр хакында фикер алыштылар.

Утырышта үзенең “Җир турындагы законнарны камилләштерү һәм бу өлкәдәге проблемалар” турындагы доклады белән Татарстан Республикасы юстиция министрының беренче урынбасары С.Н.Столяров чыгыш ясады. Ул җир турындагы законнарны камилләштерү буенча булган тәкъдимнәргә анализ үткәрде. Билгеле булганча, анализ өчен тәкъдим ителгән мәсьәләләрнең күбесе бүгенге көндә федераль дәрәҗәдә тикшерелә.

Аерым алганда, Дәүләт Думасы депутатлары тарафыннан “Авыл хуҗалыгы җирләренең әйләнешен үстерү өлкәсендәге РФ аерым закон актларына үзгәрешәр кертү турында” ФЗ проекты эшләп кертелгән.

Докладчы җирне бозу һәм аннан тиешле рәвештә файдаланмау өчен административ штраф күләмен үстерү мәсьәләләсе буенча аңлатма ясады.

Моннан тыш, хәзерге вакытта башкарма хакимиятнең федераль органы һәм РФ субъектларының дәүләт хакимияте органнары (шул исәптән ТР Юстиция министрлыгы) тарафыннан икътисади һәм административ характердагы күчемсез милекчеләрен милекне вакытында теркәргә этәргеч бирүгә юнәлдерелгән чаралар, шулай ук мондый теркәүне нигезсез озак вакытка сузу өчен җаваплылык чаралары турындагы мөһим мәсьәләләр өстендә эш бара.

Докладта җирдән файдалану белән бәйле рәвештә күтәрелгән проблемаларны хәл итү юллары турындагы тәкъдимнәр урын алды. Карала торган мәсьәлә буенча тиешле карар проекты кабул ителде. Анда ТР Җир һәи милек мөнәсәбәтләре министрлыгына районнар муниципалитетлары белән бергә җир турындагы законнарнына анализ үткәрергә һәм Комитетка федераль законнарга үзгәрешләр кертү турында тиешле законнар һәм законлы инициативалар эшләп чыгару буенча тәкъдимнәр юнәлдерергә тәкъдим ителде.

 

 

 

ТР юстиция Министрлыгы Матбугат Үзәге