Гражданнар бюджетка комачаулыйлар...

Дәүләт Думасы узган көнне “Вакытлы эшкә сәләтсез калу һәм ана булу белән бәйле очракларны мәҗбүри социаль иминиятләштерү турында” Федераль законга үзгәрешләр кертү һәм “Россия Федерациясе Пенсия фондына, Россия Федерациясе социаль страховкалау фондына, мәҗбүри медицина иминиятләштерү федераль фондына һәм мәҗбүри медицина иминиятләштерү территориаль фондларына страховкалау взнослары турында” Федераль законның 9 статьясының 3 өлешендәге 2 пунктны үз көчен югалткан дип тану хакында” закон проектын карады

Закон проекты тарафыннан вакытлыча эшкә сәләтне югалткан өчен уртача эш хакыннан айлык пособие түләнелә торган стаж сроклары күтәрелә.

Страховкалы стаж сигез ел булганда пособие күләме уртача эш хакының 60% түләнү каралган (элек биш ел да җитә иде), страховкалы стаж сигез елдан 15 елга кадәр булса - уртача эш хакының 80% (элек биштән алып сигезгә кадәр иде), страховкалы стаж 15 елдан артып китән булса - уртача эш хакының 100% (элек сигез елдан соң иде).

Иминиятләштерелгән зат вакытлыча эшкә сәләтсез калган елга кадәр ике календарь ел эчендә эш хакы алмаган булса, яисә йөкле булу һәм бала табу, баланы карау белән бәйле бирелгән ял очракларында, шулай ук әлеге периодлар эчендә эшкә сәләтсез калу вакытына уртача эш хакын тулы календарь аена бүлеп исәпләгәндә федераль закон тарафыннан билгеләнгән түләүнең минималь күләменнән азрак булса, вакытлыча эшләү сәләтен югалтып тору өчен пособие түләнә торган уртача эш хакы страховкалы көн килеп җиткән вакытка федераль закон тарафыннан билгеләнгән минималь күләмдәге эш хакына тигез рәвештә кабул ителә. Федераль закон проектының гамәлгә керү вакыты – 2011 елның 1 гыйнварыннан исәпләнә.

Әлеге закон гражданнарны түгел, Социаль иминиятләштерү фондын яклауга юнәлдерелгән дигән хисләр уяна...

Дәүләт Думасының Хеемәт һәм социаль сәясәт буенча комитеты Сәламәтлек саклау һәм социаль үсеш министрлыгының “Вакытлы эшкә сәләтсез калу һәм ана булу белән бәйле очракларны мәҗбүри социаль иминиятләштерү турында” закон проектыннан больничный листлар буенча түләүләрне кыскарту нормаларын төшереп калдырырга тәкъдим итә.

Әмма моның булу ихтималы икеле. Әлеге закон проекты РФ Хакимияте тарафыннан кертелде