Татарстан Республикасы Юстиция министрлыгы

Административ штрафны вакытында түләмәгән өчен - 1 000 сумнан да түбәнрәк түгел

2010 елның 23 октябре, шимбә

Федерация Советы әгъзасы Дәүләт Думасына “Россия Федерациясе административ хокук бозулар турындагы Кодексына һәм “Башкару эшләре турында” Федераль законның 13 статьясына үзгәрешләр кертү турында” закон проектын кертте.

Закон проекты тарафыннан РФ АХ Ко 20.25 статьясының 1 өлешенә үзгәрешләр кертергә тәкъдим ителә, административ штрафны түләмәгән очракта аны икеләтә түләтү, әмма күләме бер мең сумнан түбәнрәк булырга тиеш түгел.

Әлеге яңалык бурычлылырны административ штрафны түләү буенча үзләренең вазыйфаларын ирекле рәвештә башкаруга “этәргеч” ролен үтәргә, күрсәтелгән башкару документларын суд приставларының Федераль хезмәте тарафыннан башкарырга мәҗбүр иттерүгә барып җитмәскә тиеш.

Моннан тыш, судьялар караган административ хокук бозулар турындагы эшләр буенча РФ АХ Ко 20.25 статьясының 1 өлешендә каралган административ хокук бозу турында беркетмәне суд приставы-башкаручысы тарафыннан төзелергә тиеш дигән нигезләмә дә урын алган.

“Башкару эшләре турында” Федераль законның 13 статьясына үзгәреш кертелә. Бу үзгәреш административ штраф салган орган (вазыйфаи зат) карарына карата өстәмә таләп билгели – хокук бозучы тарафыннан билгеләнгән административ штрафның түләнелмәгәнлеге турында билгесе булуы.

Искә төшереп китик, РФ АХ Ко 20.25 статьясының 1 өлешендә административ штрафны вакытында түләмәгән очракта аны икеләтә түләтү каралган.

Практика күрсәтүенчә әлеге норма сыйфатлы түгел. Кайсыбер административ органнарның карарларында 100 сум күләмендәге штраф турында сүз бара, бу сан зур түгел.

Моңа бәйле рәвештә административ штрафны вакытында түләмәү, яңа санкция дә зур суммага түгел. Шулай итеп, бурычлыларда административ хокук бозулар өчен штраф салу турындагы карарларны башкаруга кызыксыну уятмый.

www.legis.ru

БАРЛЫК ЯҢАЛЫКЛАРНЫ УКУ