Квалификация күтәрү курслары уздырылды

Гамәлдәге законнарны даими рәвештә камилләштерү шартларында һәм “Россия гаделхөкем академиясе” ГОУ ВПО Казан филиалының директоры тарафыннан расланган планнар нигезендә Россия Федерациясенең бөтен территориясендәге бердәм суд практикасын тәэмин итү максатында Казан шәһәрендә Татарстан Республикасы Юстиция министрлыгы тарафыннан оештырылган ТР җәмәгать судьялары хезмәткәрләренең, аларның аппаратының квалификацияләрен күтәрү буенча ике атналык курслар уздырылды

Тыңлаучыларның һәрбер категориясен укытуны оештыру (25 җәмәгать судьясы һәм 11 җәмәгать судьялары аппараты хезмәткәрләре) махсус эшләнгән укыту-тематик планнар нигезендә төзелде, бу планнарда аерым категориядәге эшләрнең үзенчәлекләре, шулай ук гамәлдәге законнарның үзгәрешләре исәпкә алынган.

Судьялар аерым эшләрне караган вакытта барлыкка килгән актуаль мәсьәләләрне аерып алу максатында планнарны эшләгән вакытта квалификация күтәрү курсларын оештыручылар ТР Югары суд җитәкчеләре һәм судьялары, ТР Югары суды каршындагы суд Департаменты Идарәсе һәм башка оешмалар, шул исәптән: РФ ЮМ Урта-Идел буе региональ суд экспертизасы үзәге, Казан (Идел буе) университеты һәм башкалар белән хезмәттәшлек иттеләр.

Квалификация күтәрү курсларында укыту процессын методик яктан тәэмин итү мәсьәләләренә зур игътибар бирелде. Укытк планнарына актив формадагы укыту төрләре кертелде: лекция-дискуссия, семинарлар, “түгәрәк өстәл” утырышы, практика, судларга сәфәр чыгып югары суд судьяларын һәм белгечләре катнашында дәресләр үткәрү.

Квалификация күтәрү курсларында штаттагы мөгаллимнәр, берләштерүчеләр укыттылар (ТР Югары суд судьялары, Казан шәһәренең Идел буе һәм Вахитов районы судьялары, ТР Юстиция министрлыгы белгечләре, ТР Югары суды каршындагы суд Департаменты Идарәсе, РФ Юстиция министрлыгының ТР буенча Идарәсе, шулай ук башка оешмалардан чакырылган мөгаллимнәр).

Бүген квалификация күтәрү курслары төгәлләнде. Чыгарылыш имтиханын тапшырганнан соң Татарстан Республикасы юстиция министры урынбасары Н.В.Рагозина курсларны тәмамлаучыларга кыска сроклы квалификация күтәрү курсларын узу турында таныклыклар тапшырды.

 

ТР юстиция Министрлыгы Матбугат Үзәге