Каршы хәрәкәт итү полосасына чыккан өчен – 5000 сум

Каршы хәрәкәт полосасына чыгу, әгәр бу вакыйга видеокамера белән төшереп алынган булса, кагыйдәне бозучыга 5 мең күләмендәге штраф белән яный. Бу 21 ноябрьдән үз көченә керә торган административ хокук бозулар турында Кодекска кертелгән төзәтмәләр тарафыннан каралган.

 “Әлеге үзгәрешләр юл һәлакәте сәбәпләренең төп беренче өчлегенә керә торган очрак, “каршы хәрәкәт полосасына” чыгу белән көрәш сыйфатлылыгын күтәрү өчен кабул ителде”, - дип хәбәр итте Россия Эчке эшләр министрлыгы юл хәрәкәте иминлеген тәэмин итү Департаменты башлыгы урынбасары милиция генерал-майоры Владимир Кузин. – Шуңа күрә административ хокук бозулар турындагы Кодексның 12.15 4 статьясындагы 4 өлеше санкциясе видеокамера ярдәмендә төшереп алынган хокук бозган өчен 5 мең сум күләмендәге штраф салу белән тулыландырылган.”

Кузин фикеренчә, видеокомплекслар хәзерге вакытта бөтен җирдә таралыш алды һәм начар булмаган нәтиҗәләр китерә. “Камералар урнаштырылган районнарда юл һәлакәтләре саны сизелерлек төшә бара, “һәлакәтлек учаклары” бетерелә, чөнки автомобиль йөртүчеләр юл кагыйдәләрен тагын да сирәгрәк бозалар, законны сакларга тырышалар, чөнки җәзасыннан куркалар”, - диде ул.

Бүгенге көндә ЮХИДИ хезмәткәрләре тарафыннан яздырып алынган каршы хәрәкәт полосасына чыгу вакыйгасы автомобиль йөртүчесен 4-6 айга автомобиль йөртү хокукыннан мәхрүм итү белән яный.