Халыкның хокукый мәгрифәтлелеген күтәрү турында

2010 елның сентябрендә Псков кремлендә РФ Юстиция министрлыгы каршындагы Җәмәгать советы утырышы узды, утырышта Россия Федерациясе юстиция министры А.В. Коновалов катнашында халыкны хокукый мәгрифәтле итү һәм хокукый нигилизмга каршы көрәш турында актуаль мәсьәләләр тикшерелде.

Җәмәгать советы әгъзалары игътибарына Россия Минюсты тарафыннан эшләнгән гражданнарның хокукый мәгрифәтлелеге һәм хокукый аңы өлкәсендә дәүләт сәясәте Нигезләре проекты тәкъдим ителде.

Утырышта узган фикер алышу вакытында танылган сәясәтчеләр һәм җәмәгать эшлеклеләре, галимнәр, журналистлар чыгыш ясады. Утырышта чыгыш ясаучылар тулаем алганда тәкъдим ителгән документ концепциясен хупладылар, шул ук вакытта җитди искәрмәләр дә яңгырады, бу искәрмәләр Нигезләр проектын җиренә җиткереп эшләгән вакытта исәпкә алыначаклар.

Киңәшмәгә нәтиҗә ясау рәвешендә, А.В. Коновалов хокукый нигилизмга каршы көрәш уңаенда конрет чаралар эшләп чыгару мәсьәләсе буенча киң җәмәгать дискуссиясен дәвам итәргә өндәде, шул исәптән Интернет челтәрендә дә, һәм әлеге мәсьәләгә киләсе Җәмәгать советы утырышларыннан берсен багышларга тәкъдим итте.

Татарстан Республикасында халыкка юридик ярдәм, шул исәптән түләүсез ярдәм, күрсәтү системасын, федераль һәм республика законнарын чыгаруны, республикада яшәүче гражданнарның хокукый мәгрифәтлелеген камилләштерү һәм үстерү шартларында, алга таба этәрү нигезендә Татарстан Республикасы Президенты 2010 елның 22 мартында “Татарстан Республикасында юридик ярдәм күрсәтү системасын һәм халыкның хокукый мәгрифәтлелеген үстерү чаралары турында” Указын имзалады.

Югарыда күрсәтелгән Указ нигезендә Татарстан Республикасы Министрлар Кабинетына халыкка юридик ярдәм күрсәтү республика программасын эшләп Татарстан Республикасы Президенты раславына тәкъдим итәргә боерылган.

Бүгенге көндә Татарстан Республиксында 2011-2013 елларда халыкны хокукый мәгрифәтле итү һәм гражданнарга юридик ярдәм күрсәтү буенча Озак вакытлы максатчан программа проекты Татарстан Республиксы Президен Аппаратының Дәүләт хокукый идарәсенең искәртмәләрен исәпкә алып, Татарстан Республиксы Юстиция министрлыгына тапшырылды.

 

ТР юстиция Министрлыгы Матбугат Үзәге