«Яр Чаллы шәһәре» һәм «Тукай муниципаль районы» муниципаль берәмлекләренең чикләрен үзгәртү турында

Татарстан Республикасы Премьер-министры И.Ш.Халиков боерыгы кысаларында 2010 елның 11 ноябрендә Татарстан Республикасы Юстиция министрлыгында

Татарстан Республикасы юстиция министры М.М.Корманов рәислегендә “Кош фабрикасын реконструкцияләү” проектын гамәлгә кертү өчен кирәк булган җир кишәрлекләрен Тукай муниципаль районы авыл җирлегенең Новотроицк авыл җирлеге составына керүче “Яр Чаллы шәһәре” муниципаль берәмлеге чикләренә кертү мәсьәләсе буенча утырыш узды.

Мәсьәләне карауда “Яр Чаллы шәһәре” муниципаль берәмлегенең, Тукай муниципаль районының җирле үзидарә органнары, Татарстан Республикасы Җир һәм мөлкәт мөнәсәбәтләре министрлыгы, Татарстан Республикасы Төзелеш, архитектура һәм торак-коммуналь хуҗалык министрлыгы һәм “Җир” ААҖ Республика кадастр үзәге вәкилләре катнашты.

Утырыш нәтиҗәләре нигезендә Татарстан Республикасы Юстиция министрлыгына тиешле Татарстан Республикасы закон проектын әзерләү турында карар кабул ителде. Әлеге закон проекты “Яр Чаллы шәһәре” һәм Тукай муниципаль районы муниципаль берәмлекләре чикләре тасвирламасына үзгәрешләр кертүне күз алдына тотачак. Шулай ук министрлыкка әлеге муниципаль берәмлекләрнең чикләрен үзгәртү процедурасы вакытында хокукый ярдәм күрсәтү вазыйфасы йөкләнде. Күрсәтелгән закон проекты Татарстан Республикасы Юстиция министрлыгы тарафыннан билгеләнгән тәртиптә Татарстан Республикасы Министрлар Кабинетына кертеләчәк.

 

ТР юстиция Министрлыгы Матбугат Үзәге