Белем бирү учреждениеләренә сроксыз лицензияләр биреләчәк

2010 елның 15 ноябре, дүшәмбе
Россиядә дәүләт үрнәгендәге документлар, гыйльми дәрәҗәләр һәм исемнәр турында федераль реестр булдырылачак. Президент имзалаган “Мәгариф өлкәсендә контроль-күзәтү функцияләрен үстерү һәм дәүләт хезмәт күрсәтүләрен оптимизацияләү нигезендә Россия Федерациясенең аерым закон актларына үзгәрешләр кертү турында” 2010 елның 8 ноябрендәге 293-ФЗ Федераль законда тиешле нигезләмәләр бар.
Төзәтмәләр белем бирү эшчәнлегенә кагыла. Аларның максаты - әлеге өлкәдә контроль-күзәтү функцияләрен үстерү һәм дәүләт хезмәт күрсәтүләрен оптимизацияләү.
Мәгариф турында, гыйльми дәрәҗәләр, исемнәр турында дәүләт үрнәк документларының федераль реестры булдырылырга тиеш. Регионнарга әлеге документларда апостиль тәкъдим итү вәкаләтләре бирелә. Элек бу эшне Россия мәгариф өлкәсендә күзәтү комитеты башкарды. Куелган апостильләр буенча мәгълүматның федераль базасы формалашачак.
Белем бирү учреждениеләре кайбер мәгълүматларның һәм аерым документлар төшермәләренең ачыклыгын, үтемлелеген тәэмин итәргә тиеш.
Белем бирү эшчәнлегенә лицензия хәзер сроксыз. Аны биргәннән соң бер ел узгач планлаштырылган сәфәр тикшерү уздырылачак.Элек лицензия тикшерү нәтиҗәләре буенча гамәлгә куючы акчасына бирелә иде. Болай эшләү бетерелде.
Госаккредитациягә кадәр үзтикшеренү үткәрелә. Аның материаллары аккредитация экспертизасы барышында каралалар. Аккредитация турында таныклыкны бирү, үзгәртеп төзү өчен госпошлина билгеләнгән. Шулай итеп, аны бирү өчен 130 мең сум һәм 70 мең сум – учреждениеләрдә һәм һәр филиалда әзерләү һәм белгечлекләр юнәлешләренең һәрбер эреләндерелгән төркеме өчен.
Иҗтимагый (иҗтимагый-һөнәри) аккредитация үткәрү каралган. Вазыйфаи затларның, эшкуарларның һәм оешмаларның лицензиясез рәвештә табыш алу белән бәйле эшчәнлек башкару өчен административ җаваплылыклары көчәйтелә.
Федераль закон 2011 елның 1 гыйнварыннан үз көченә керә.
 
 
ТР юстиция Министрлыгы Матбугат Үзәге “Гарант”
компаниясе сайты материаллары буенча
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International