ТР җәмәгать судьялары аппараты хезмәткәрләре белән киңәшмә

Бүген ТР җәмәгать судьялары аппаратының җәмәгать судьялары сайтларында җәмәгать судьялары эшчәнлеге турында мәгълүмат урнаштыру өчен җаваплы администраторлары һәм хезмәткәрләре белән киңәшмә узды. Анда “Россия Федерациясендә судлар эшчәнлеге турындагы мәгълүматка үтемлелекне тәэмин итү турында” 22.12.2008 елдагы 262-ФЗ номерлы Федераль закон таләпләрен үтәү турындагы мәсьәлә һәм ТР җәмәгать судьялары аппараты эшчәнлеген оештыру белән бәйле башка мәсьәләләр каралды. Татарстан Республикасы Юстиция министрлыгы оештырган утырыш видеоконференция рәвешендә барды.

Киңәшмәдә җәмәгать судьялары сайтларының тулылану нәтиҗәләре яңгыратылды. Бүгенге көндә 24 суд участогы “Россия Федерациясендә судлар эшчәнлеге турындагы мәгълүматка үтемлелекне тәэмин итү турында” Федераль закон таләпләрен үтәми. Җәмәгать судьялары аппаратлары сайтларының тулылану мониторингы турындагы мәгълүматны җәмәгать судьялары эшчәнлеген оештыру-хокукый яктан тәэмин итү бүлеге башлыгы К.Е.Мышливец бирде. Ул сайтта мәгълүмат күрсәтелгән Законның 14 ст. таләпләре нигезендә урнаштырылырга тиешлеген билгеләп үтте.

ТР Юстиция министрлыгы Хокукый мәгълүматлаштыру һәм компьютер системалары бүлеге әйдәүче белгече Д.И.Сабирова җәмәгать судьялары суд участоклары сайтларын тулыландыру буенча уку алып барды. Ул сайтны тиешле мәгълүмат белән ни рәвешле тулыландырырга кирәклеген сөйләде һәм күрсәтте.

Билгеле булганча, суд участоклары сайтларында суд актлары урнаштырыла. Аларны урнаштыруга караган зарури суд актындагы кайбер мәгълүматны алу өчен кирәк булган таләпләр бар. Әлеге эшне җиңеләйтү өчен суд эшен автоматизацияләү каралырга тиеш, АМИРС программасын кертү ихтыяҗы бар. Бу турыда ТР Юстиция министрлыгы Хокукый мәгълүматлаштыру һәм компьютер системалары бүлеге башлыгы А.Г.Сафин сөйләде.

Нәтиҗәдә ТР Президенты Аппаратының Татарстан Республикасы коррупциягә каршы сәясәтен гамәлгә ашыру бүлегенең баш киңәшчесе А.Р.Батаршин чыгыш ясады. Ул утырышта катнашучыларга Татарстан Республикасы Президентының “Россия Федерациясендә судлар эшчәнлеге турындагы мәгълүматка үтемлелекне тәэмин итү турында” Федераль закон таләпләрен үтәүне оештыру һәм контрольдә тоту турындагы боерыгын җиткерде. Мониторинг күрсәткечләренә караганда җәмәгать судьялары сайтларының тулылануы 40% гына тәшкил итә дип билгеләргә була.

Федераль закон таләпләрен үтәмәү өчен сайтларның тулылануы өчен җаваплы хезмәткәрләргә җәза биреләчәк, шулай ук бу юнәлештә эштәге кимчелекләр җибәргән җәмәгать судьялары турындагы мәгълүмат Татарстан Республикасы судьялары квалификацияле коллегиясенә юнәлдереләчәк.

 

ТР юстиция Министрлыгы Матбугат Үзәге