Татарстан төркеменең мини-футбол буенча Юрист көненә багышланган җиңүе

27 ноябрьдә Йошкар-Ола шәһәрендә «Спартак» спорт залында «Россия юристлары ассоциациясе» Гомумроссия җәмәгать оешмасы төркемнәре арасында Юрист көненә багышланган мини-футбол буенча турнир узды.

Турнирда Россия юристлары ассоциациясенең Татарстан, Чуаш, Марий региональ бүлекләре төркемнәре катнашты, алар составына адвокатлар, судьялар, прокурорлар, тикшерүчеләр, дәүләт учрежденияләре юристлары (барлыгы 8 төркем). ТР Юстиция министрлыгы төркеме уенчыларын Министрлык эшләре белән идарәче С.А.Брусов (төркем капитаны) һәм административ-хуҗалык секторы белгече Э.С.Архипцов тәкъдим итте.

Татарстан төркеме дүрт уен нәтиҗәсендә 1 нче урынга чыгып, турнирда җиңү яулады.

Татарстан төркеменең Марий-Эл судьялары берлеге төркеме белән беренче уены татарстанлылар файдасына 7:5 саны белән тәмамланган. Шуннан соң Россия юристлары ассоциациясенең Марий региональ бүлеге төркеме Татарстан төркеменә 7:5 саны белән җиңелгән.

Марий Республикасы Адвокатлар палатасы төркеме шулай ук Татарстан юристларына 3:1 саны белән җиңелгән. РФ Прокуратурасы каршындагы Тикшерү Идарәсе Марий Эл Республикасы буенча Тикшерү комитеты төркеме белән финалдагы ахыргы уен 5:5 саны белән (төп вакытта) тәмамланган. Пенальти нәтиҗәләре буенча 8:7 саны белән Татарстан юристлары җиңгән һәм турнирда җиңдермәс төркем уңышлылыгын билгеләгән. Шулай итеп, Россия юристлары ассоциациясенең Татарстан региональ бүлеге төркеме турнирның җиңүчесе булды.

 

ТР юстиция Министрлыгы Матбугат Үзәге