Җәмәгать судьяларын федераль судьялар белән тәңгәлләштерәчәкләр

2010 елның 30 ноябре, сишәмбе
Дәүләт Думасы “Россия Федерациясендә җәмәгать судьялары турында” Федераль законның 1 һәм 5 статьяларына һәм “Россия Федерациясендә судьялар статусы турында” Россия Федерациясе Законының 6 статьясына үзгәрешләр кертү хакында” закон проектын өченче укылышта кабул итте, әлеге документ нигезендә җәмәгать судьясына һәм җәмәгать судьясы булырга дәгъва итүчегә карата таләпләр “Россия Федерациясендә судьялар статусы турында” Законга тәңгәлләштерелде һәм әлеге таләпләр исемлеге киңәйтелде һәм конкретлаштырылды.
2008 елның 25 декабрендәге 274-ФЗ номерлы Федераль закон нигезендә “Россия Федерациясендә судьялар статусы турында” 1992 елның 26 июнендәге 3132-1 номерлы Россия Федерациясе Законының 3 һәм 4 статьяларына үзгәрешләр кертелде, алар нигезендә судьяга һәм судья булырга дәгъва итүчеләргә карата таләпләр киңәйтелде һәм конкретлаштырылды. Әлеге таләпләр Федераль закон нигезендә тигез рәвештә җәмәгать судьяларына да кагыла.
Шул ук вакытта “Россия Федерациясендә җәмәгать судьялары турында” Федераль закон элекке редакциясендә калган һәм җәмәгать судьяларына һәм җәмәгать судьясы булырга дәгъва итүчегә карата таләпләр бүтән төрле таләпләрне үз эченә алган.
5 статьяны түбәндәге редакциядә бәян итәргә тәкъдим ителә:
“5 статья. Җәмәгать судьясына карата таләпләр
1. Россия Федерациясе Конституциясенең һәм “Россия Федерациясендә судьялар статусы турында” Россия Федерациясе Законының судья вазыйфасына урын дәгъвалаучыга булган таләпләренә туры килүче, квалификация имтиханын тапшырган һәм Россия Федерациясенең тиешле субъекты квалификация коллегиясенең тәкъдименә ия булган Россия Федерациясе гражданы җәмәгать судьясы була ала.”
Квалификация имтиханын тапшырудан һәм Россия Федерациясенең тиешле субъекты квалификация коллегиясенең тәкъдимен бирүдән федераль судның судьясы вазыйфасында биш елдан ким булмаган стажка ия булган затлар азат ителә.
 
 
 
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International