Бөлгенлеккә китерүнең аермалы ысулы

Төзүче-бөлгенгә үз акчаларын биргән кешеләрнең мәнфәгатьләрен саклау өчен бөлгенлек турындагы законга яңадан төзәтмәләр кертәләр. "Ведомости"  хәбәр итүенчә, аларга суд аша төзелеп бетмәгән йортның кисәкләрен алырга рөхсәт итмичә, җирле хакимиятләргә күчемсез милекне конкурс массасыннан сатып алу хокукын бирәчәкләр, шуннан соң җирле хакимият өлешчеләргә үз өлешләрен өләшәчәк.

Икътисад үсеше министрлыгы, ВАС РФ һәм Дәүләт Думасы депутатлары икенче укылышка граждан акчаларын җәлеп итеп төзүчеләр бөлгенлегенә кагылышлы яңа төзәтмәләр керттеләр.

Анда ике мөһим тәкъдим бар. Беренчесе – төзүчелектә катнашучыларның бөлгенлек процедурасы башланган төзүчегә карата (өлешчеләр закон проектында шулай итеп аталалар) барлык таләпләрен бөлгенлек процедурасы буенча карарга. Икенче тәкъдим - өченче затлар төзелеп бетмәгән объектларны төзүчелектә катнашучыларга бирү максатында сатып алу мөмкинлегенә ия.

Хәзерге вакытта өлешчеләр төзүчеләр белән гомуми юрисдикциядәге судларда судлаша ала, һәм әлеге гаризалар буенча һәрвакыт төрле каралар чыгарыла. Бу бөлгенлек процедурасын катлауландыра.

Шул ук вакытта барлык кредиторлар төзелеп бетмәгән объектны конкурс массасына кушып җибәрергә тырышалар, төзәтмәләр исә төзүченең беренче һәи икенче чираттагы кредиторлар һәм залог тотучы банклар алдындагы шартларын үтәгән затларга төзелеп бетмәгән бинаны конкурс массасыннан азат итү мөмкинлеген бирәләр. Башка кредиторлар (әйбер китерүчеләр, подрядчылар) бинаны дәгъва итмиләр. Бу хакимияткә ялганга дучар булган өлешчеләрнең проблемасын хәл итәргә ярдәм итәчәк, төзелеп бетмәгән бинаны бөлгеннән муниципалитетлар һәм Федерация субъектлары сатып ала алчаклар..