Россия Федерациясендә һәм Татарстан Республикасында халыкка юридик ярдәм күрсәтү һәм юридик клиникалар эшчәнлегенә багышланган семинар-утырыш

Бүген Икътисад, идарә әм хокук институтында (Казан ш.) Россия Федерациясендә һәм Татарстан Республикасында халыкка юридик ярдәм күрсәтү һәм юридик клиникалар эшчәнлегенә багышланган III Регионнарара семинар-утырыш узды, ул Институт тарафыннан Татарстан Республиксы Прокуратурасы белән берлектә оештырылды.

Инде берничә ел Россиядә чынбарлыктагы клиник хәрәкәт яшәп килә, ул юридик факультетлар студентларын инновацион укыту методы булып тора.

Бүгенеге көндә юридик клиника – ул студент-юристларга тәҗрибә туплауга, башка төр юридик хезмәт күрсәтү төрләренә мөрәҗәгать итә алмаган халыкка түләүсез юридик ярдәм күрсәтү эшенә карата һөнәри якын килүгә юнәлдерелгән укыту программасы. Әлеге хезмәт граждан-хокук дисциплина кафедрасы мөгаллимнәре җитәкчелегендә студентлар тарафыннан күрсәтелә.

Семинар-утырыш эшчәнлеге кысаларында юридик клиникаларны оештыру һәм хокукый нигезләре аларны финанслау кебек актуаль мәсьәләләр каралды, Татарстан Республикасында һәм Россия Федерациясендә юридик килиникаларның үсеше һәм эшчәнлеге үзенчәлекләре, шулай ук республиканың башка шәһәрләрендә эшләп килүче юридик клиникалар эшчәнлегенең нәтиҗәләрен тикшерү һәм ТР Прокуратурасы җәмәгать кабул итү бүлмәләре хакында фикер алышынды.

Семинар-утырышта практика үтүче студентларга дәүләт тарафыннан грант, стипендия һәм башка нигездә ярдәм итү мәсьәләсе турында фикер алышынды, бәхәсләрне судка кадәр үк җайга салуның (медиация) альтернатив ысуллары турындагы мәсьәләләргә кагылдылар, шулай ук юридик клиникалардагы практика үтүтче студентларның укулары, стажировка үтүтләре, квалификация күтәрүләре мәсьәләләре каралды.

Семинарда катнашучы практик хезмәткәрләр белән бергә юридик клиникаларның суд һәм хокук саклау органнары, юстиция органнары, прокуратура, “Россия юристлары ассоциациясе” региональ бүлеге белән хезмәттәшлек итү, шулай ук юридик клиникаларның дәүләт һәм муниципаль органнар белән мәгълүмат алмашу турында мәсьәләләр һәм тәкъдимнәр каралды.

Мәсьәләләр тикшерүдә Татарстан Республикасы Юстиция министры Россия юристлары ассоциациясенең Татарстан региональ бүлеге рәисе М.М.Корманов актив катнашты. Аерым алганда, ул бәхәсләрне судка кадәр хәл итүнең альтернатив ысулы буларак медиация мәсьәләсе турында сөйләде, шулай ук Россия юристлары ассоциациясенең Татарстан региональ бүлегенең гражданнарны хокукый мәгърифәтле һәм Татарстан Республикасында халыкка юридик ярдәм күрсәтү буенча эшчәнлеген яктыртты.

Семинар-утырыш нәтиҗәләре буенча юридик клиникалар эшчәнлеге һәм халыкка ярдәм күрсәтү турында Резолюцияне имзаларга планлаштырыла.

 

ТР юстиция Министрлыгы Матбугат Үзәге