ТР Юстиция министрлыгы хезмәткәрләре “Милләтләр кроссы-2016”да катнаштылар

2016 елның 25 сентябрендә Казанның Меңьеллык мәйданында “Милләтләр кроссы-2016” Бөтенроссия йөгерү көненең төп стартлары узды. Әлеге масштаблы спорт чарасында Татарстан Республикасы Юстиция министрлыгы хезмәткәрләре дә ел саен катнашалар.
VIP-йөгерештә Татарстан Республикасы юстиция министры Л.Ю.Глухова, министрның беренче урынбасары Р.И.Заһидуллин, министр урынбасарлары М.М.Ибәтов һәм Н.В.Рагозина да үзләренең спорт әзерлекләрен күрсәттеләр.
1 чакрымлы массакүләм йөгерештә 20 меңнән артык казанлы катнашты. Бу көнне республиканың башка шәһәрләрендә дә шундый ук йөгерешләр узды. Ярышлар Россиянең 79 шәһәрендә узды.