Татарстан Республикасы юстиция министры Л.Ю.Глухованың Халыкара өлкәннәр көне белән тәбрикләве

Тормышларында “алтын көзгә” аяк баскан өлкән яшьтәге кешеләр бәйрәменең көзнең бар дөньяны төрле матур төсләргә манып, табигатьтә дә чын мәгънәсендә “алтын көз” ясаган чорына - 1 нче октябрьгә туры килүе бик үзенчәлекле.

Сезне чын йөрәктән бәйрәм белән котлыйбыз! Сез авырлыкларга да, сөенеч-шатлыкларга да, табышлар һәм югалтуларга да бай булган зур тормыш юлын узган кешеләр. Традицияләрне кадерләп саклаучылар, яшь буынга ватанпәрвәрлек, эшкә бирелгәнлек һәм оптимистлык үрнәкләре күрсәтүчеләр дә ул - Сез! Безнең белән юмарт бүлешә торган акыл һәм бәһасез тормыш тәҗрибәсе исә - төп мирас.

Сезгә нык сәламәтлек, актив озын гомер, рух бөтенлеге, мәңге сүнми торган тормышны ярату хисе, янәшәдәгеләрнең игътибарын тоеп, иминлектә яшәвегезне телибез!