ТР Юстиция министрлыгы коллегиясе утырышына әзерләнү турында

Яңа ел һәм раштуа каникуллары тәмамланды. Гадәттә республикабызның башкарма хакимият органнарында отчетлар чоры башлана:

Татарстан министрлыклары һәм ведомстволары республика башлыклары катнашындагы отчет коллегияләре үткәрүгә әзерләнәләр.

Республика министрлыкларында һәм хакимиятнең федераль территориаль органнарының кайберләрендә коллегияләрнең нәтиҗәләр чыгару утырышлары инде булып узды. Калганнары әлеге чаралар үткәрүгә әзерләнү хәлендә.

Агымдагы елның 22 гыйнварында Татарстан Республикасы Юстиция министрлыгында киңәйтелгән коллегия утырышы уздырылачак.

Татарстан Республикасы юстиция министры М.М.Корманов эшлекле киңәшмә үткәрде, анда Министрлыкның буласы киңәйтелгән коллегия утырышын уздыру мәсьәләсе каралды. Әлеге коллегия утырышында Министрлык эшчәнлегенең 2010 ел нәтиҗәләре тикшереләчәк. Коллегия утырышында Татарстан Республикасы Премьер-министры И.Ш.Халиков катнашачак.

Нәтиҗәләр чыгару чарасын уздыру планы турында фикер алышкан вакытта ведомствоның Министрлык мәгълүмати белешмәсенә кертелгән төп мәсьәләләре тикшерелде, шулай ук министр чыгышының төзелеше, чакырылган кунаклар һәм утырышта катнашучылар исемлеге каралды. Иҗади фикер алышу барышында министр чыгышын иллюстрация материалларыннан кулланып тулыландыру буенча тәкъдимнәр кертелде, коллегия утырышында чыгыш ясаучылар исемлеге ачыкланды, шулай ук узган елда эшчәнлекләре өчен бүләкләнүче Министрлык белгечләре кандидатуралары тәкъдим ителде.

Шәһәр округлары һәм республикабыз муниципаль районнарының җирле үзидарә органнары юристлары да коллегиядә катнашу мөмкинлегенә ия булсын өчен коллегия утырышын видеоконференция чарасын кулланып уздыру турында карар кабул ителде.

Утырышта министр урынбасарлары, министр ярдәмчесе, Министрлыкның структур бүлекчәләре җитәкчеләре һәм бүлек мөдирләре катнашты.

 

ТР юстиция Министрлыгы Матбугат Үзәге