Сыра һәм аны кушып эшләнгән эчемлекләрне ваклап сату һәм эчү тыелган җәмәгать туклану урыннары турында

2011 елның 26 гыйнвары, чәршәмбе
“Сыра һәм аны кушып эшләнгән эчемлекләрне ваклап сату, шул исәптән бүлеп сату, һәм эчү тыелган җәмәгать туклану урыннарын билгеләү тәртибе турында” 2010 елның 31 декабрендәге Татарстан Республикасы Законы нигезендә Татарстан Республикасы җирле үзидарә органнары тарафыннан сыра һәм аны кушып эшләнгән эчемлекләрне ваклап сату, шул исәптән бүлеп сату, һәм эчү тыелган җәмәгать туклану урыннарын күрсәтү тәртибе билгеләнде.
Күрсәтелгән урыннар “Сыра һәм аны кушып эшләнгән эчемлекләрне ваклап сату, һәм эчү тыю турында” Федераль законны исәпкә алып тиешле шәһәр округлары һәм шәһәр, авыл җирлекләре территориясендәге җәмәгать туклану урыннары мөнәсәбәтендә билгеләнә.
Мондый урыннарны билгеләү өчен шәһәр округлары һәм шәһәр, авыл җирлекләре җирле үзидарә органнары әлеге урыннарны билгеләү буенча тәкъдимнәр кертү Комиссиясе булдыралар, аның составын һәм эшчәнлек тәртибен билгелиләр.
Комиссия тәкъдимнәре нигезендә сыра һәм аны кушып эшләнгән эчемлекләрне ваклап сату, шул исәптән бүлеп сату, һәм эчү тыелган җәмәгать туклану урыннарының исемлеге төзелә. Әлеге исемлек муниципаль норматив хокукый акт белән раслана.
Закон рәсми басылып чыккан көненнән ун көн узгач үз көченә керә.
Закон Тексты "Республика Татарстан" газетасының 15.01.2011 елдагы 7 номерында, "Ватаным Татарстан" газетасының 15.01.2011 елдагы 7 номерында дөнья күрде.
 
ТР юстиция Министрлыгы Матбугат Үзәге
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнар мөрәҗәгате
Адрес: 420111, Казан шәһәре, Кремль урамы, 16
Телефон: +7 (843) 292 00 70
Факс: +7 (843) 292 00 88
E-Mail: minjust@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International