Татарстан Республикасы Юстиция министрлыгы каршында Җәмәгать советы

Россия Федерациясе гражданнары мәнфәгатьләрен һәм кызыксынуларын, Россия Федерациясе гражданнарының хокуклары һәм иреге, дәүләт сәясәтен формалау һәм тиешле өлкәдә, “Татарстан Республикасы министрлыгы (ведомствосы) каршында җәмәгать советы турында” 2010 елның 18 ноябрендәге 906 номерлы Татарстан Республикасы Министрлар Кабинеты карары нигезендә гамәлгә кертү җәмәгать оешмалары хокукын исәпкә алу максатында республикада җәмәгать советлары булдырылган. Җәмәгать советы турында типлаштырылган нигезләмә нигезендә министрлыклар һәм ведомстволар җитәкчеләре боерыклары белән алар турында нигезләмәләр расланды.

Әлеге Хакимият карарын башкаруны контрольдә тоту вазыйфасы Татарстан Республикасы Юстиция министрлыгына йөкләнде.

Татарстан Республикасы юстиция министры боерыгы белән республика Минюстының үзендә шулай ук Җәмәгать советы булдырылган, совет турында нигезләмә һәм советның составы билгеләнгән.

Нигезләмә нигезендә, Совет ТР Юстиция министрлыгы каршындагы даими эшли торган киңәшмә органы, ул ирекле рәвештә катнашу нигезендә формалаша. Совет Карарлары тәкъдим итү характерына ия.

Совет әгъзалары үзләренең вазыйфаларын түләүсез рәвештә башкаралар. Минюст советы сотавына отставкадагы судья Гатауллин А.Г., отставкадагы Татарстан Республикасы юстиция министры, социаль белем бирү Академиясенең граждан хокукы һәм процессы кафедрасы мөдире А.М.Салабаев, Казан (Идел буе) Федераль университет мөгалиме, ю.ф.к. Р.Г.Вагизов, «ТИСБИ» идарә Академиясе ректоры Н.М.Прусс, ТР Җәмәгать палатасы рәисе урынбасары Т.В.Забегина, КФУ конституция хокукы һәм кеше хокуклары кафедрасы доценты Г.Р.Хабибуллина керде.

Советның төп бурычлары:

Юстиция өлкәсендә дәүләт сәясәтен камилләштерү буенча тәкъдимнәр әзерләү; Татарстан Республикасы законнар чыгару һәм башка норматив хокукый актларга җәмәгать экспертизасын үткәрү; Министрлык карарларын кабул итү вакытында җәмәгать фикерен исәпкә алу механизмын камиләштерү; җәмәгатьнең ТР Юстиция министрлыгы эшчәнлегенең төп юнәлешләре буенча мәгълүматлылыгын күтәрү.

Совет эшчәнлеге барлык мәсьәләләрне ирекле рәвештә тикшерү һәм күмәк карар кабул итү нигезендә башкарыла.

Киләчәк атнада ТР Юстиция министрлыгы каршындагы Җәмәгать советының беренче утырышы узачак, анда Нигезләмә нигезендә Советның рәисе, аның урынбасарлары, әгъзалары сайланачаклар.

Совет эшчәнлегенең төп формасы булып утырышлар торалар, әлеге утырышлар кварталга бер тапкырдан да ким уздырылырга тиеш түгел. Совет утырышларында Министрлык вәкилләре катнашырга хокуклы.

Советны оештыру-техник тәэмин ителешен Татарстан Республикасы Юстиция министрлыгының закон проектлары белән эшләү бүлеге башкара.

 

 

ТР юстиция Министрлыгы Матбугат Үзәге