Татарстан Республикасында инвалидизацияне профилактикалау һәм инвалидларны ребилитацияләү системасының 2011-2013 елларга үсеш Концепциясен раслау турында

Татарстан Республикасында инвалидлык һәм инвалидлар мәсьәләсен хәл итү вакытында бердәм дәүләт сәясәтен гамәлгә кертү максатында Тататрстан Республикасы Министрлар Кабинеты инвалидизацияне профилактикалау һәм инвалидларны реабилитацияләү системасының 2011-2013 елларга үсеш Концепциясен раслады (31.12.2010 елның 1184 номерлы ТР Министрлар Кабинеты карары).

Татарстан Республикасы дәүләт хакимияте башкарма органнары инвалидлык һәм инвалидлар мәсьәләләрен хәл итү вакытында, республика, ведомство һәм өлкә программаларын эшләгәндә һәм гамәлгә керткәндә Концепциядән файдаланырга тәкъдим ителә.

Татарстан Республикасы җирле үзидарә органнарына, җәмәгать инвалидлар оешмаларына үзләренең эшчәнлекләрендә Концепция нигезләмәләрен исәпкә алырга тәкъдим ителә.

Әлеге карарны гамәлгә ашыруны контрольдә тотучы итеп Татарстан Республикасы Министрлар Кабинеты Аппаратының социаль үсеш идарәсе билгеләнде.

Концепциянең максаты булып инвалидизацияне профилактикалау системасының үсеше һәм инвалидларны реабилитацияләүнең кыммәтлелекләрен һәм төп принципларын аның үсеш мөмкинлекләре һәм ресурс базасы нигезендә уртача срок перспективасын билгеләү тора.

Концепциянең төп бурычлары – инвалидизацияне профилактикалау өлкәсендә дәүләт сәясәтен гамәлгә ашыру, профилактика юнәлешен көчәйтү; гамәлдәге медицина реабилитацияләү моделеннән инвалидларны эшкә алу һәм җәмгыять тормышына кертүгә басым ясый торган медицина-социаль реабилитацияләү системасына күчү; инвалидларны җәмгыять тормышына кертү өчен уңай социаль мохит булдыру; инвалидизацияне профилактикалау һәм инвалидларны реабилитацияләү мәсьәләләрен хәл итү өчен ресурс базасын ныгыту, яңарту киңәйтү; аз хәрәкәт итүче инвалидларны күчереп йөртү өчен киртәсез мохит булдыру, аның критерийларын эшләү.

Концепцияне гамәлгә кертү Системаның субъектлары төп эшчәнлекләре кысаларында республика максатчан программаларын эшләгәндә һәм гамәлгә ашырганда башкарыла. Беренче этапта (2011 ел) гамәлдәге законнарга өстәмәләр һәм үзгәрешләр кертү, инвалидларның һәм аз хәрәкәт итүче төркемнәрнең тормыш-көнкүрешләре шартларын тәэмин итү турындагы закон һәм максатчан программалар (инвалидлыкны профилактикалау, инвалидларны социаль яклау һәм реабилитацияләү, сәламәтлекләре какшаган балаларны актив җәмгыять тормышына кертү программа асты белән; хезмәтне саклау буенча; экология иминлеге буенча; инвалидлар өчен эш урыннарының популярлашуы) булдыру. Икенче этапта (2012-2013 еллар) максатчан программаларны гамәлгә ашыру каралган.

 

 

ТР юстиция Министрлыгы Матбугат Үзәге

“Гарант” компаниясе сайтыннан