ЯҢАЛЫКЛАР

2018 елның 28 маеннан 30ына кадәр Хокук бозуларны  профилактикалау буенча Татарстан Республикасы Хөкүмәте комиссиясе эшче тркеме бу юнәлештәге эшләрнең торышын өйрәнү максатыннан Татарстан Республикасы Ютазы муниципаль районына эш сәфәре кылды.

Тикшерү барышында составына төрле министрлыклар һәм ведомстволар вәкилләре кергән эшче төркем әгъзалары, расланган план-йөкләмә нигезендә, хокук бозуларны профилактикалау субъектларының аерым юнәлешләр буенча эшчәнлеге торышын, шул исәптән “2014-2020 елларга Татарстан Республикасында җәмәгать тәртибен саклау һәм җинаятьчелеккә каршы торуны тәэмин итү” дәүләт программасының үтәлеше барышын өйрәнделәр. 

Тикшерү нәтиҗәләре буенча юстиция министрының беренче урынбасары А.Г.Галимов рәислегендә Ютазы муниципаль районы башкарма комитеты җитәкчесе С.П.Самонина, район прокуроры урынбасары  И.Н.Габдрахманов катнашында, хокук бозуларны профилактикалау субъектлары вәкилләрен, район авыл җирлекләре башлыкларын чакырып киңәшмә уздырылды. Чара барышында эш нәтиҗәләре, табылган җитешсезлекләр һәм хокук бозу очраклары турында фикер алыштылар, аларны бетерү буенча киңәшләр бирелде.

Шулай ук районга чыгу кысаларында җирле үзидарә өлкәсендә норматив хокукый эш һәм муниципаль регистрны алып бару бүлегенең әйдәп баручы советнигы Э.И.Курманова тарафыннан Ютазы муниципаль районы җирле үзидарә органнарының муниципаль районга керүче авыл җирлекләреннән Татарстан Республикасының муниципаль норматив хокукый актларын алып бару өчен кирәкле мәгълүматларны җыю буенча аларга тапшырылган Татарстан Республикасы вәкаләтләрен үтәүләренә тикшерү уздырылды, кирәкле консультатив һәм методик ярдәм күрсәтелде.

2018 елның 29-30 май көннәрендә Татарстан Республикасы юстиция министры урынбасары Н.В.Рагозина  “21 гасыр суды: технологияләр гадел хөкем сагында”  Халыкара юридик конференциядә катнашты. Чара Бөтендөнья банкы һәм Россия Федерациясенең “Суд реформасына ярдәм” уртак проекты ябылышына багышланган иде. 

Конференциядә 10 ил вәкилләре катнашты, 200ләп катнашучы аккредитацияләнгән иде.

Конференцияне Россия Федерациясе Хөкүмәте Аппараты җитәкчесе урынбасары Е.Л.Забарчук ачты. Конференциядә төп докладларның берсе Мәскәү шәһәр суды рәисе О.А.Егорованың Мәскәү шәһәре гомуми юрисдикция судларының комплекслы мәгълүмат системаларын булдыру буенча проектны гамәлгә ашыруда ирешелгән нәтиҗәләр турындагы доклады булды. Аның кысаларында башкаланың гомуми юрисдикция судларында суд утырышларын аудиовидео яздырулар һәм видеоконференцэлемтә системасы кертелгән; гомуми юрисдикция судларының гражданнарның шәхси кабинетлары һәм судлар хезмәткәрләре өчен Эчке портал белән булган бердәм мәгълүмати порталы эшләтеп җибәрелгән; Ведомствоара һәм дәрәҗәара хезмәттәшлек кысаларында гадел хөкемгә тәэсир итә торган ведомстволар белән электрон документлар әйләнеше җайга салынган; мәгълүмати-аналитика системалары булдырылган; агымдагы һәм архив эшләре материаллары электрон рәвешкә күчерелә; суд системасында беренче тапкыр Мәскәү шәһәр судында урнашкан мәгълүматларны эшкәртү үзәге төзелгән.

Конференциядә шулай ук Мәскәү шәһәр суды рәисе урынбасары Д.А.Фомин, Россия Суд приставлары федераль хезмәте  директоры  Д.В.Аристов, Гадел хөкем нәтиҗәлелеге буенча Европа комиссиясе советы вице-президенты Рамин Гурбанов, “Крок Инкорпорейтед” ЯАҖ компаниясе генераль директорының дәүләт секторы белән  эшләү буенча урынбасары Татьяна Толстова һәм башкалар катнашты.

2018 елның 29 маенда Татарстан Республикасы Юстиция министрлыгында Татарстан Республикасы икътисадына федераль бюджет акчаларын җәлеп итү мәсьәләләре буенча 5 нче эшче төркем утырышы узды. Утырышны Россия Федерациясе Федераль Җыены Дәүләт Думасы депутаты Р.К.Хөснуллин алып барды.

Киңәшмәдә Татарстан Республикасы Министрлар Кабинетының ЗАГС идарәсе, Россия ҖҮФХ Татарстан Республикасы идарәсе, Суд департаментының Татарстан Республикасы идарәсе һәм Татарстан Республикасы Икътисад министрлыгы вәкилләре катнашты.

Утырышта Татарстан Республикасының “Развитие уголовно-исполнительной системы (2018 – 2026 еллар)”, “Развитие судебной системы России (2013 - 2020 еллар)” кебек федераль программаларны гамәлгә ашыруда катнашуының актуаль мәсьәләләре каралды.

Утырыш нәтиҗәләре буенча эшче төркем әгъзаларына һәм чакырылган затларга Татарстан Республикасы икътисадына 2018 елга, шулай ук 2019-2021 елларга федераль бюджеттан заявка бирелгән һәм расланган акчалар күләмен ачыклауга юнәлдерелгән йөкләмәләр бирелде.

Петербург халыкара икътисадый форумында Татарстан Республикасы Президенты Р.Миңнеханов тарафыннан яңа проектларны алга этәрү буенча стратегик инициативалар агентлыгы генераль директоры С.В.Чупшева белән берлектә стратегик инициативалар сайты (http://i.tatarstan2030.ru/) эшләтеп җибәрелде.

Сайтта теләге булган һәр кеше Татарстан Республикасын 2030 елга кадәр социаль-икътисадый үстерү стратегиясенә үзгәрешләр кертү буенча үз инициативасын калдыра ала. Теләсә-кайсы инициативаны бәяләргә мөмкин. Иң яхшылары исә Стратегия-2030га кертеләчәкләр.

Моннан тыш шунда ук Стратегия-2030ның агымдагы редакциясе, аның төп юнәлешләре, флагман проектлары, шулай ук мәгълүмат лентасында – Татарстан Республикасында стратегик планлаштыру өлкәсендә уздырылган чаралар белән дә  танышырга була.

2018 елның 28 маенда Татарстан Республикасы Юстиция министрлыгы Татарстан Республикасы җәмәгать судьялары аппаратларында дәүләт граждан хезмәтенең вакантлы вазыйфаларына конкурс игълан итә. 
Игълан ителгән вакантлы вазыйфалар исемлеге белән “Кадрлар сәясәте” бүлегендәге “Вакантлы урыннарны биләүгә конкурс ” бүлекчәсендә танышырга була. 
Конкурста катнашуга тиешле документлар теркәлгән гаризалар (2018 елның 18 июненә кадәр, бу көнне дә кертеп) конкурс комиссиясе секретаре тарафыннан түбәндәге адрес буенча кабул ителә: Казан шәһәре, Кремль урамы, 16 нчы йорт, каб.109, тел. 223-07-87. 
Конкурс комиссиясе утырышы 2018 елның 5 июлендә (якынча) булачак.

2018 елның 24 маенда Татарстан Республикасы Юстиция министрлыгында министр урынбасары Н.В.Рагозина рәислегендә республиканың җәмәгать судьялары аппаратлары хезмәткәрләре өчен “Татарстан Республикасы җәмәгать судьялары суд участоклары биналарында һәм бүлмәләрендә янгын куркынычсызлыгы чаралары турында” темасына видеоконференцэлемтә режимындагы белем бирү чарасы узды.

Лекцияне Татарстан Республикасы гадәттән тыш хәлләр һәм гражданнар оборонасы буенча укыту-методик үзәге укытучысы Н.Д.Долгов укыды.

Чарада җәмәгать судьялары эшчәнлеген тәэмин итү бүлеге башлыгы А.В.Воробьёв, җәмәгать судьялары эшчәнлеген оештыру-хокукый тәэмин итү бүлеге башлыгы А.В.Назарова, хокукый мәгълүматлаштыру һәм компьютер системалары бүлеге башлыгы А.Г.Сафин катнаштылар.

Белем бирү чарасы тәмамлангач җәмәгать судьясы аппараты хезмәткәрләре белән почта чыгымнарын оптимальләштерү, җәмәгать судьялары аппаратларында хезмәткәрләрнең этика кодексын саклаулары, җәмәгать судьялары эшчәнлеген матди-техник тәэмин итү мәсьәләләре, шулай ук суд участокларында иминлек кагыйдәләрен саклау буенча фикер алышынды.

2018 елның 24 маенда Татарстан Республикасы Юстиция министрлыгы хезмәткәрләре расланган график нигезендә Чистай муниципаль районына эш сәфәре кылдылар.

Районга чыгу кысаларында министрлыкның җирле үзидарә органнарына хокукый консультация-методик ярдәм күрсәтү бүлегенең әйдәп баручы консультанты Е.Г.Газизова тарафыннан хокукый ярдәм күрсәтелде. Җирле үзидарә органнарының урындагы җаваплы затлаы белән гамәли эшчәнлек барышында очраша торган кыенлыклар турында фикер алышынды, консультация ярдәме күрсәтелде, эш нәтиҗәлелеген арттыру максатыннан киңәшләр бирелде.

Министрлыкның мәгълүмати-аналитика эше, координацияләү һәм планлаштыру бүлеге хезмәткәрләре И.М.Мингалимов, А.Р.Шәрәфетдинова тарафыннан Чистай муниципаль районында “Татарстан Республикасында 2015-2020 елларда коррупциягә каршы сәясәтне гамәлгә ашыру” дәүләт программасы чараларының үтәлеше тикшерелде.

Коррупциягә каршы тору буенча эшләрне координацияләү буенча Чистай муниципаль районы башлыгы каршындагы комиссия, хезмәткәрләрнең эш урынында үзләрен тотышлары һәм  мәнфәгатьләр конфликтын булдырмау буенча комиссия эшчәнлеге мәсьәләләре каралды, муниципаль коррупциягә каршы программа, коррупциягә каршы экспертиза уздыруны оештыру мәьәләләре, шулай ук башка программа чаралары үтәлеше өйрәнелде.

2018 елның 22 маеннан 23енә кадәр Хокук бозуларны профилактикалау буенча Татарстан Республикасы хөкүмәт комиссиясенең эшче төркеме Татарстан Республикасының Балтач муниципаль районына чыктылар. 

Тикшерү барышында составына төрле министрлыклар һәм ведомстволар вәкилләре кергән эшче төркем әгъзалары тарафыннан, расланган план-йөкләмә нигезендә, хокук бозуларны профилактикалау буенча аерым юнәлешләр буенча эшли торган субъектлар эшчәнлеге,  шулай ук “2014 – 2020 елларга ТатарстанРеспубликасында җәмәгать тәртибен тәэмин итү һәм җинаятьчелеккә каршытору” дәүләт программасы үтәлеше дә тикшерелде.

Тикшерү нәтиҗәләре буенча Балтач муниципаль районында юстиция министрының беренче урынбасары  А.Г.Галимов рәислегендә һәм Балтач муниципаль районы башлыгы урынбасары Н.Н.Сабирҗанов, Балтач муниципаль районы прокуроры А.Ш.Низамиев һәм хокук бозуларны профилактикалауның барлык субъектлары вәкилләре, район авыл җирлекләре башлыклары катнашында киңәшмә узды.

Татарстан Республикасы Премьер-министры урынбасары  – Татарстан Республикасы Министрлар Кабинеты Аппараты җитәкчесе Ш.Х.Гафаровның боерыгын үтәү максатыннан Татарстан Республикасы җәмәгать судьялары суд участоклары биналарында (бүлмәләрендә) гадәттән тыш хәлләр килеп чыккан очракта тактик өйрәнүләр узды.

 Өйрәнүләрдә  суд приставлары, ГТХ хезмәтләре, ашыгыч медицина ярдәме һәм  полиция хезмәткәрләре катнашты.  Өйрәнүләр ведомстволар арасында башкарыла торган гамәлләрнең эзлеклелеген, гадәттән тыш хәлләр туган очракта практик белемнәрне камилләштерү максатыннан оештырылган.

Өйрәнүләр барышында җәмәгать судьялары аппаратлары хезмәткәрләре эвакуация юллары буйлап бинадан куркынычсыз урынга чыктылар. Өйрәнүләр тәмамланганнан соң эшкә нәтиҗәләр ясалды һәм ТР ГТХ вәкилләре тарафыннан куркыныч хәл туганда котылуның ышанычлы юллары аңлатылды.

2018 елның 23 маенда  Татарстан Республикасы Дәүләт  Советының Законлылык һәм хокук  тәртибе буенча комитеты тарафыннан  “Татарстан Республикасында халыкка  түләүсез юридик ярдәм күрсәтү  турында” Татарстан Республикасы  Законын гамәлгә ашыру хакында”  темасына багышланган матбугат  конференциясе уздырылды.

Чара барышында Татарстан Республикасы юстиция министры Р.И.Заһидуллин түләүсез юридик ярдәм күрсәтү өлкәсендәге агымдагы ситуация, шул исәптән түләүсез юридик ярдәм дәүләт системасын камилләштерү буенча Министрлык тарафыннан уздырыла торган эшчәнлек, адвокатлар берләшмәләре белән хезмәттәшлек, халыкны хокукый агартуга багышланган чаралар һәм 2018 елга бурычлар  турындагы доклад белән чыгыш ясады.

Чарада шулай ук Татарстан Республикасы Адвокатлар палатасы һәм массакүләм мәгълүмат чаралары вәкилләре катнашты.