2012 елның 30 гыйнвары – Түләүсез юридик ярдәм күрсәтү көне

2012 елның 30 гыйнварында Россия юристлары ассоциациясе халыкка түләүсез юридик ярдәм күрсәтү проектын гамәлгә ашыру кысаларында Россиядә чираттагы Түләүсез юридик ярдәм күрсәтү көнен үткәрә.

Әлеге чара кысаларында Россия юристлары ассоциациясенең Татарстандагы төбәк бүлеге Татарстан Республикасы Юстиция министрлыгы, “Бердәм Россия” партиясенең Татарстандагы бүлеге, РФ Юстиция министрлыгының Татарстан Республикасы буенча идарәсе, Татарстан Республикасының Адвокатлар һәм Нотариаль палаталары белән берлектә Татарстан Республикасы территориясендә халыкка Түләүсез юридик ярдәм күрсәтү көнен үткәрә.

Әлеге зур күләмдәге чараны оештыру өчен Татарстан Республикасы Юстиция министрлыгында Татарстан Республикасы Юстиция министрлыгы, РФ Юстиция министрлыгының Татарстан Республикасы буенча идарәсе, Татарстан Республикасының Адвокатлар һәм Нотариаль палаталары, Россия Президентының Татарстан Республикасындагы халыкны кабул итү бүлмәсе һәм “Бердәм Россия” партиясе Рәисе В.В.Путинның җәмәгатьчелекне кабул итү бүлмәсе, түләүсез юридик ярдәм күрсәтүдә катнашучы югары уку йортларының юридик клиникалары вәкилләре катнашында оештыру киңәшмәсе үткәрелде.

Киңәшмәнең көн тәртибендәге төп мәсьәләләр буенча Россия юристлары ассоциациясенең Татарстандагы төбәк бүлекчәсе аппараты җитәкчесе В.Б.Паймухин чыгыш ясады. Ул республика территориясендә халыкны кабул итү ни дәрәҗәдә оештырылачагы һәм әлеге чараны үткәрүгә бәйле оештыру мәсьәләләре турында җентекләп сөйләде.

Аерым алганда, бу көнне республикада 57 кабул итү бүлмәсе, шул исәптән, һәр муниципаль районда “Бердәм Россия” партиясенең җирле бүлекчәсе базасында җәмәгатьчелекне кабул итү бүлмәләре, Россия Президентының Татарстан Республикасындагы халыкны кабул итү бүлмәсе һәм “Бердәм Россия” партиясе Рәисе В.В.Путинның җәмәгатьчелекне кабул итү бүлмәсе, Россия юристлары ассоциациясенең Татарстандагы төбәк бүлегенең Казан, Чаллы һәм Түбән Кама шәһәрләрендәге халыкка түләүсез юридик ярдәм күрсәтү үзәкләре, “ТИСБИ” Идарә академиясенең, Икътисад, идарә һәм хокук институты (Казан шәһәре) һәм Казан (Идел буе) федераль университетының юридик клиникалары эшләр дип көтелә.

Халыкны кабул итү ачык ишекләр рәвешендә иртәнге сәгать 9 дан кичке 18 сәгатькә кадәр (Республика башкаласыннан тыш, Республиканың башка шәһәрләрендә һәм авыл җирлекләрендә - иртәнге сәгать 8.00дән алып 17.00 сәгатькә кадәр) үткәреләчәк.

Мондый зур күләмдәге чара – Түләүсез юридик ярдәм күрсәтү көне Татарстанда дүртенче тапкыр үткәрелә. Моңарчы 2011 елның 23 мартында, 23 июнендә һәм 24 октябрендә Россия юристлары ассоциациясенең Татарстандагы төбәк бүлеге тарафыннан оештырылган Түләүсез юридик ярдәм күрсәтү көннәре нәтиҗәләре буенча республиканың 2000нән артык гражданы түләүсез юридик ярдәм алган.

Юрист-консультантлар сыйфатында Татарстан Республикасы Юстиция министрлыгы, РФ Юстиция министрлыгының Татарстан Республикасы буенча идарәсе җитәкчелеге һәм белгечләре, адвокатлар, нотариуслар, аспирантлар, юридик факультетларның өлкән курс студентлары – Ассоциациянең Татарстандагы бүлегенең Яшь юристлар советы әгъзалары эшләячәкләр.

Татарстан Республикасы Юстиция министры М.М.Корманов, аның урынбасарлары: С.Н.Столяров һәм Н.В.Рагозина, шулай ук РФ Юстиция министрлыгының Татарстан Республикасы буенча идарәсе җитәкчесе урынбасары О.В.Чиркова гражданнарны көн дәвамында Казан шәһәре, Кремль урамы, 12/20 адресы буенча урнашкан Россия Президентының Татарстан Республикасындагы халыкны кабул итү бүлмәсендә кабул итәчәкләр.

Әлеге көндә барлыгы 120 юрист-консультант эшләячәк.

Җәмәгатьчелекне кабул итү бүлмәләренең һәм түләүсез юридик ярдәм күрсәтү үзәкләренең тулы исемлеге Татарстан Республикасы Юстиция министрлыгы сайтының “Россия юристлары ассоциациясе” бүлегендә урнаштырылган. Сылтама: http://minjust.tatar.ru/tat/oppriemn.htm

Элемтә өчен тел.: 8(843) 292-41-39 Паймухин Валентин Борисович,

8(843) 292-69-11 Лобанова Татьяна Павловна

 

ТР Юстиция министрлыгының Матбугат хезмәте