Татарстанның Ютазы муниципаль районында күчмә кабул итү

2011-2013 елларга Татарстан Республикасында халыкка хокукый белем тарату һәм юридик ярдәм күрсәтү буенча озак вакытлы максатчан программасы кысаларында 2012 елның 18 октябрендә Ютазы муниципаль районы территориясендә Иске Урыссу һәм Ютазы авыл җирлекләрендә авыл җирлекләре халкына түләүсез юридик ярдәм күрсәтү буенча мәгълүмат-консультация төркеме белгечләре чираттагы күчмә кабул итүне үткәрделәр.

9 министрлык, ведомство һәм Татарстан Республикасы Адвокатлар һәм Нотариаль палаталары белгечләреннән оешкан мәгълүмат-консультация төркеме әгъзалары кабул итү барышында авыл җирлекләрендә яшәүче 48 гражданга хокукый ярдәм күрсәттеләр.

Хокукый ярдәм сорап мөрәҗәгать итүчеләр биргән сорауларның зур өлеше (8), аерым алганда медицина-социаль экспертиза комиссиясендә яңадан тикшеренү, күзгә операцияләр ясау, МРТ тикшеренүләрен узу республиканың Сәламәтлек саклау министрлыгы компетенциясенә карады, калганнары - республиканың Төзелеш, архитектура һәм торак-коммуналь хуҗалыгы министрлыгына (7), аерым алганда инженер коммуникацияләре, су җыю башняларын ремонтлау; ТР Җир һәм мөлкәт мөнәсәбәтләре министрлыгына (7), аерым алганда җир кишәрлекләрен хосусыйлаштыру, пай җиләрен рәсмиләштерү, төзелеш салымы һәм башка мәсьәләләр.

Салым хезмәте белгече 6 кешене кабул итте. Гозерләр мөлкәт салымы күләменә, транспорт салымы түләгәндә ташламалар ясауга, шулай ук мөлкәт салымы, йорт төзегәндә мөлкәткә кагылышлы түләүләр, балаларны укытуга социаль түләүләр башкарганда пенсионерларга ташламалар ясауга кагылышлы булды.

ТР буенча Россия Пенсия фонды хезмәткәрләренә бирелгән сораулар арасында пенсия күләменә, медицина хезмәткәрләренә һәм педагогларга пенсия билгеләү, ана капиталын алу һәм куллану, БВС ветераннарына компенсация түләүләре буенча сораулар күп булды.

Адвокат белән нотариус дүртәр кеше кабул иттеләр, аларның сораулары гражданлык-хокук өлкәсеннән булды: рухи зыян түләү турында, җир кишәрлегенә милекчелек хокукын рәсмиләштерү, кредит түләү механизмы, бүләк итү шартнамәсен рәсмиләштерү, мирас, васыятьнамә, ышанычнамә рәсмиләштерү турында.

Мәгълүмат-консультация белгечләре тарафыннан кабул итүгә килүчеләрнең күп өлеше бу юлы бюджет өлкәсендә эшләүчеләр булды (27). Күчмә төркем белгечләренә юридик ярдәм сорап пенсия яшендәге 15 граждан, шул исәптән 3 инвалид мөрәҗәгать итте. Төрле министрлык һәм ведомство белгечләре 6 эшчегә хезмәт күрсәтте. Кабул итүдәге мәсьәләләрнең бер өлеше (5) авыл җирлекләре башлыклары һәм җирле үзидарә органнары вазыйфаи затларының алар тарафыннан вазыйфа йөкләмәләрен башкару белән бәйле мөрәҗәгатьләреннән гыйбарәт булды.

Авыл җирлекләре гражданнарын һәм вазыйфаи затларын кабул итүдә мәгълүмат-консультация төркеме белгечләре белән бергә Хезмәт, халыкны эш белән тәэмин итү һәм социаль яклау министрлыгының Ютазы районында социаль яклау бүлеге җитәкчесе К.М.Вәлиев катнашты.

 

ТР Юстиция министрлыгының матбугат хезмәте