Татарстан Республикасы муниципаль берәмлекләре юридик хезмәтләренең җир кишәрлекләре кадастр хакын билгеләү нәтиҗәләре белән килешмәү мәсьәләсе буенча семинар

2012 елның 23 октябрендә Татарстан Республикасы Мәдәният министрлыгының утырышлар залында Татарстан Республикасы муниципаль берәмлекләренең юридик хезмәтләре хезмәткәрләре өчен җир кишәрлекләренең кадастр хакын билгеләү нәтиҗәләренә дәгъва белдерү мәсьәләсе буенча чираттагы семинар узды. Аны, Татарстан Республикасы Президентының 2012 елның 15 сентябрендәге 37-пр номерлы киңәшмә беркетмәсенең 6 пунктын үтәү максатларында, Татарстан Республикасы Юстиция министрлыгы Татарстан Республикасы Муниципаль берәмлекләр советы белән берлектә оештырды.

Семинарда Татарстан Республикасы Прокуратурасы, Татарстан Республикасы Арбитраж суды, Росреестрның Татарстан Республикасы буенча идарәсе, Татарстан Республикасы буенча “Росреестр федераль кадастр палатасы” ФДБУ, Татарстан Республикасы Җир һәм мөлкәт мөнәсәбәтләре министрлыгы, Татарстан Республикасы Юстиция министрлыгы вәкилләре, Казан (Идел буе) федераль университеты мөгаллимнәре катнашты.

Семинарда җир кишәрлекләренең кадастр хакларына дәгъва белдерү мәсьәләләре, җир кишәрлекләренә кадастр хакы билгеләүдә прокуратура органнарының роле, җир кишәрлекләренә кадастр хакын аның базар хакы күләмендә билгеләү буенча бәхәсләрне хәл итүдән берләштерелеп чыгарыла торган суд тәҗрибәсенең төп аспектлары, җирләргә дәүләт тарафыннан бәя кую белән бәйле суд эшләренең Татарстан Республикасы Арбитраж судында  каралу үзенчәлекләре яктыртылды.

Һәр чыгыш та тыңлаучыларда кызыксыну уятты. Катнашучыларның чыгыш ясавы барышында кадастр хакының базар хакына туры килү-килмәве, кадастр хакына судта дәгъва белдерү, тиешле категориядәге җирләрнең җир кишәрлекләре кадастр хакын билгеләү турында хисапка экспертиза турында мәсьәләләр, салым салу механизмнары аерым-аерым каралды.

Киләсе семинарны 2012 елның 30 ноябрендә үткәрергә хәл иттеләр. Ул җирле үзидарә органнары тарафыннан муниципаль контрольне оештыру һәм гамәлгә ашыру мәсьәләсенә багышланачак.

 

ТР Юстиция министрлыгының матбугат хезмәте