Хокукый мәсьәләләр буенча ведомствоара координацияләү комитетының чираттагы утырышы

2012 елның 14 декабрендә Татарстан Республикасы Премьер-министрының беренче урынбасары Р.Ф.Моратов рәислегендә Хокукый мәсьәләләр буенча ведомствоара координацияләү комитетының чираттагы утырышы булды. Анда индивидуаль торак төзү зонасында законсыз рәвештә күпфатирлы йортлар төзүне туктату белән бәйле проблемалар кабат каралды.

Индивидуаль торак төзү өчен билгеләнгән җир кишәрлекләрендә законсыз рәвештә күпфатирлы йортлар төзү мәсьәләләре буенча нотык белән ТР Төзелеш, архитектура һәм торак-коммуналь хуҗалык министрлыгы, Казан шәһәре Башкарма комитеты, ТР Дәүләт төзлеше күзәтчелеге һәм ТР Иҗтимагый палатасы вәкилләре чыгыш ясадылар.

Комитет, урнашкан хәлне җайга салу максатларын күздә тотып, карарлар кабул итте, алар белән http://minjust.tatarstan.ru/rus/file/pub/pub_149534.pdf адресы буенча ТР Юстиция министрлыгы сайтының « Хокукый мәсьәләләр буенча ведомствоара координацияләү комитеты» бүлегендә танышырга мөмкин.

Комитет әгъзалары күрсәтелгән мәсьәләләр белән беррәттән  «Балыкчылык һәм судагы биологик ресурсларны саклау турында» Федераль законның 26 статьясына үзгәреш кертү хакында», «Административ хокук бозулар турында Россия Федерациясе Кодексына үзгәрешләр кертү хакында» федераль законнар проектларын һәм «Татарстан Республикасында суд участокларын төзү һәм җәмәгать судьялары урыннарын булдыру турында» Татарстан Республикасы Законына үзгәрешләр кертү хакында», «Административ хокук бозулар турында Татарстан Республикасы Кодексының 3.2 статьясына үзгәрешләр кертү хакында» Татарстан Республикасы законнары проектлары каралды.

Югарыда санап кителгән барлык закон проектлары хупланды һәм Татарстан Республикасы Министрлар Кабинетына кертү өчен тәкъдим ителде.

 

ТР Юстиция министрлыгының матбугат хезмәте