Татарстан Республикасы Министрлыклары Татарстан Республикасы Юстиция министрлыгы

2012-2014 елларга коррупциягә каршы комплекслы республика программасы чараларының ТР Кама Тамагы муниципаль районында үтәлешен тикшерү турында

2012 елның 20 декабре, пәнҗешәмбе

2012 елның 18 декабрендә Татарстан Республикасы Юстиция министрлыгының мәгълүмат-аналитика эше, координацияләү һәм планлаштыру бүлеге хезмәткәрләре Татарстан Республикасы Кама Тамагы муниципаль районына анда 2012-2014 елларга коррупциягә каршы комплекслы республика программасы чараларының үтәлешен тикшерү өчен барып кайттылар.

Тикшерү барышында районның җирле үзидарә органнарына беркетелгән программа чараларының, аерым алганда Район башлыгы каршындагы Коррупциягә каршы тору комиссиясенең, муниципаль хезмәткәрләрнең хезмәт урынындагы тәртибен саклау һәм мәнфәгатьләр каршылыгын җайга салу комиссиясенең йогынты ясый алырдай эшләвен тәэмин итүгә юнәлтелгән чараларны гамәлгә ашыру эше тикшерелде.

Моннан тыш, тикшерүчеләр Россия Федерациясе Президентының «2012-2013 елларга коррупциягә каршы торуның илкүләм планы һәм Россия Федерациясе Президентының кайбер актларына коррупциягә каршы тору мәсьәләләре буенча үзгәрешләр кертү турында» 2012 елның 13 мартындагы 297 номерлы Указы нигезендә Программага кертелгән яңа пунктларны үтәү үзенчәлекләренә игътибар бирделәр.

Бу чарада муниципаль норматив хокукый актларга һәм муниципаль норматив хокукый актларның проектларына коррупциягә каршы экспертиза үткәрүне оештыру мәсьәләләрен бергә өйрәнгән Хокукый мәсьәләләр буенча җирле үзидарә органнары белән хезмәттәшлекне оештыру департаменты вәкиле катнашты. Шулай районның административ комиссиясе эшчәнлегенә тикшерү уздырылды.

Тикшерү уздыру кысаларында Район башлыгының Коррупциягә каршы тору буенча ярдәмчесенә, коррупциягә караган һәм бүтән хокук бозуларны профилактикалау эше өчен җаваплы зат А.Г.Габидуллинага һәм коррупциягә каршы экспертиза үткәрү өчен җаваплы зат М.А.Бисяринага Программаны үтәү буенча теләк-тәкъдимнәр әйтелде.

Район башлыгы З.Г.Гарафиевта узган киңәшмәдә тикшерүгә башлангыч нәтиҗә чыгарылды.

Тикшерү нәтиҗәләре буенча белешмә белән Татарстан Республикасы Юстиция министрлыгы сайтының «Коррупциягә каршы тору» бүлегендәге «2012-2014 елларга коррупциягә каршы комплекслы республика программасының үтәлешен тикшереп тору» бүлекчәсендә танышырга мөмкин булачак.

ТР Юстиция министрлыгының матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

март, 2026 ел

Сугышчан хәрәкәтләр ветераннары өстәмә ялга хокуклы булачак

Дәүләт Думасы хәрби хәрәкәтләр ветераннарына, шул исәптән махсус хәрби операциядә катнашучыларга өстәмә ялга хокук бирә торган закон кабул итте. Федерация советы шулай ук әлеге документны үзенең пленар утырышында хуплады.

Юстиция министрлыгы хезмәткәрләре Дәүләт хезмәткәрләре спартакиадасының чаңгы ярышларында катнаштылар

Татарстанда 2026 елгы Дәүләт хезмәткәрләре спартакиадасы старт алды. Узган ялларда Мирный бистәсендәге чаңгы-биатлон комплексы базасында узган традицион чаңгы ярышы ел саен уздырыла торган спартакиаданың беренче этабы булды.

2025 елда җирле үзидарә органнарының тапшырылган аерым дәүләт вәкаләтләрен гамәлгә ашырулары буенча киңәшмә

Юстиция министры урынбасары Мөхәррәм Ибәтов җитәкчелегендә 2025 елда җирле үзидарә органнарының административ хокук бозулар турында беркетмәләр төзергә вәкаләтле вазыйфаи затларның исемлеген билгеләү һәм муниципаль районнарның һәм шәһәр округларының административ комиссияләре эшчәнлеген оештыру буенча тапшырылган дәүләт вәкаләтләрен гамәлгә ашырулары мәсьәләләре буенча видеоконференция режимында киңәшмә узды.

февраль, 2026 ел

Татарстан Республикасы Юстиция министрлыгы хезмәткәре волонтерлар составында сугышчан хәрәкәтләр зонасына гуманитар ярдәм илтте

Татарстан Республикасы Юстиция министрлыгы хезмәткәре Гөлфия Насыйрова - “МИР” Төркеме волонтеры. Ул берничә тапкыр хәрби хәрәкәтләр зоналарына чыгып, хәрби хезмәткәрләр өчен гуманитар йөкләр илтүдә катнашты.

ЯҢАЛЫКЛАРГА ЯЗЫЛУ