Гражданнарга хокук гыйлеме бирү һәм түләүсез юридик ярдәм күрсәтү. 2012 ел йомгаклары

Халыкка хокук гыйлеме бирү һәм законлылыкны ныгыту эшенә зур өлеш кертүен билгеләп, Россия Федерациясе Генераль прокуроры 2012 елның 3 декабрендәге боерыгы белән Россия юристлары ассоциациясенең Татарстан төбәк бүлекчәсе рәисе, Татарстан Республикасы  юстиция министры М.М. Кормановны Россия Федерациясе Генераль прокурорының Мактау грамотасы белән бүләкләде.

 2012 елның 11 гыйнварында Прокуратура хезмәткәрләренең һөнәри бәйрәменә багышланган тантаналы гамәлдә М.М. Кормановка Мактау грамотасын Татарстан Республикасы Прокуроры К.Ф.Әмиров тапшырды.

2013 елның  1 гыйнварыннан “Татарстан Республикасында түләүсез юридик ярдәм күрсәтү турында” Татарстан Республикасы Законы үз көченә керде.

Әлеге социаль әһәмиятле законны кабул иткәнче үк Татарстан Республикасында республикада яшәүче гражданнарга хокук гыйлеме бирү һәм түләүсез юридик ярдәм күрсәтү буенча комплекслы эш оештыру өчен хокукый база булдырылган иде.

Бер-бер артлы “Татарстан Республикасында халыкка түләүсез юридик ярдәм күрсәтү һәм хокук гыйлеме бирү ситемасын үстерү гамәлләре турында” Татарстан Республикасы Президентының 22.03.2010 елгы Указы һәм 2011 елда Хөкүмәтнең 22.04.2011 елгы карары кабул ителде, 2011 – 2013 елларга Татарстан Республикасында халыкка хокук гыйлеме бирү һәм түләүсез юридик ярдәм күрсәтү буенча озак сроклы программа расланды.  

Түләүсез юридик ярдәм күрсәтү

Норматив хокукый базадан чыгып, Татарстан Республикасы Юстиция министрлыгы  Россия юристлары ассоциациясенең төбәк бүлекчәсе белән берлектә авыл җирендә яшәүчеләргә түләүсез юридик ярдәм күрсәтү буенча күчмә мәгълүмат- консультация төркеме рәвешендә яңа сынау проектын гамәлгә ашыруга керешә. Төркемгә (аламашынып торучы персональ составлы) юстиция, җир һәм мөлкәт мөнәсәбәтләре, сәламәтлек саклау, мәгариф һәм фән, төзелеш, архитектура һәм ТКХ министрлыклары, муниципаль берәмлекләр Советы, Дәүләт теркәү, кадастр һәм картография федераль хезмәтенең, Федераль салым хезмәтенең Татарстан Республикасы буенча идарәләренең,  РФнең ТР буенча Пенсия фондының,республика адвокат палатасының һәм Нотариаль палатасының белгечләре керә.

Әлеге инициативаны хуплап, Татарстан Президенты Р.Н.Миңнеханов Юристлар ассоциациясенең төбәк бүлекчәсенә махсус транспорт: “Фиат-Дукато”  маркалы өч автобус тапшырды.

 2011 елда мәгълүмат- консультация төркеме белгечләре тарафыннан республиканың 5 муниципаль районында күчмә кабул итү оештырылды һәм авыл җирендә яшәүче  288 кешегә квалификацияле хокукый ярдәм күрсәтелде.

 2012 елда  шундый 7 кабул итү уздырылды, алар барышында  республиканың  7 районының 14 авыл җирлегендә яшәүче 412 кешегә юридик ярдәм күрсәтелде.

 

1.	Кукмара районы (25 апрельдә Түбән Рус һәм и Яныл а/җ)	38
2.	Спас районы (24 майда Иске Рәҗәп һәм Никольский а/җ)	52
3.	Чирмешән районы (19 июльдә Иске Кади һәм Чирмешән а/җ)	87
4.	Мамадыш районы (9 августта Урманчы һәм Түбән Сөн а/җ)	63
5.	Алексеевск районы (28 сентябрьдә Ромодановск һәм Биләр а/җ)	43
6.	Ютазы районы (18 октябрьдә Иске Урыссу һәм Ютазы а/җ)	48
7.	Балык Бистәсе районы (15 ноябрьдә Олы Елга һәм Котлы Бөкәш а/җ)	81

 

Авыл җирләрендә яшәүче халыкка мобиль мәгълүмат-консультация төркеме тарафыннан түләүсез хокукый ярдәм күрсәтү проекты Россия юристлары ассоциациясенең хуплавына иреште һәм башка төбәк бүлекчәләренә тәкъдим ителде.

 

Хөкем ителгәннәрне ресоциализацияләү

 “Хөкем ителгәннәрне ресоциализацияләү” социаль проекты мәҗбүри тоту урыннарындагы затларга  юридик ярдәм күрсәтүне күз алдында тота. Проектны төзү һәм әзерләү республика Юстиция министрлыгы белән Россия юристлары ассоциациясенең төбәк бүлекчәсенең уртак инициативасы буенча Россия Җәзаларны үтәүнең  федераль хезмәтенең Татарстан Республикасы буенча идарәсе белән тыгыз хезмәттәшлектә узды. Проектның төп максаты – хөкем ителгәннәрне граждан җәмгыятендә җайлашуга (ресоциализациягә) әзерләү.

Үткән ел ике кабул итү уздырылды:

ИК-18 (28 февральдә)	20 кеше
ИК-19 (15 июньдә)	14 кеше

 

Алар барышында квалификацияле юридик ярдәмгә мохтаҗ 34 хөкем ителгән зат Федераль миграция хезмәтенең Татарстан Республикасы буенча идарәсенең,  Пенсия фондының белгечләре , әлеге очрашуга чакырылган адвокатлар һәм нотариус белән хөкем ителгәннәрнең гаризаларын өйрәнү нигезендә очраштылар.

 Түләүсез юридик ярдәм күрсәтүнең бердәм көннәре

2011 елдан Россия юристлары ассоциациясе квартал саен түләүсез юридик ярдәм күрсәтүнең гомумроссия бердәм көнен уздыра.

Проект кысаларында Татарстан Республикасы Юстиция министрлыгы Россия юристлары ассоциясенең Татарстан төбәк бүлекчәсе белән берлектә һәр муниципаль районда “Бердәм Россия”партиясенең җирле бүлекчәләре, Россия Федерациясе Президентының Татарстан Республикасында кабул итү бүлмәсе, “Бердәм Россия” партиясе Рәисе  Д.А.Медведевның Төбәк иҗтимагый кабул итү бүлмәсе, Россия Федерациясе Президентының Идел буе федераль округындагы вәкаләтле вәкиленең Чаллы шәһәрендәге иҗтимагый кабул итү бүлмәсе базасында, Россия юристлары ассоциясенең Татарстан төбәк бүлекчәсе тарафыннан халыкка түләүсез юридик ярдәмнең 13 үзәгендә халыкны кабул итүне оештыра.

 2012 елда  түләүсез юридик ярдәм күрсәтүнең бердәм көннәрендә 1844 кеше кабул ителде ,  шул исәптән:

2012 елның 30 гыйнварында	410
2012 елның 22 июнендә	462
2012 елның 21 сентябрендә	466
2012 елның 21 декабрендә	506

 

Үткән елга түләүсез юридик ярдәм күрсәтү мәсьәләсе буенча йомгак ясап, 2012 елда хокукый ярдәм  республиканың  2533 гражданына күрсәтелгән.

Гражданнарның хокукый культурасын арттыру, хокукый нигилизмга каршы көрәш һәм яшьләргә хокук гыйлеме бирү

Россия юристлары ассоциясе эшчәнлегенең төп юнәлешләреннән берсен – халыкка хокук гыйлеме бирүне үстереп, Россия юристлары ассоциясенең Татарстан төбәк бүлекчәсе яшьләре гражданнарның хокукый культурасын арттыруга, хокукый нигилизмга каршы көрәшкә һәм яшьләргә хокук гыйлеме бирүгә юнәлдерелгән проектларны гамәлгә ашыра. Аерым алганда, Яшь юристлар Советы республика мәктәпләрендә Россия юристлары ассоциациясенең “Хокук мәктәбе” дигән уникаль проектын гамәлгә ашыра һәм К(И)ФУның “Балалар университеты” проектында катнаша.

“Хокук мәктәбе”ндә катнашучылар 2011елның 1 сентябрендә, Белем көнендә, беренче мәртәбә читкә чыктылар. Хокук сәгатьләре Кама Тамагы районның 5 мәктәбендә уздырылды, хокук гыйлеме районның 250 укучысына һәм укытучысына барып җитте .

2012 елда “Хокук мәктәбе”  проекты кысаларында яшь юристлар тарафыннан  шулай ук  Кама Тамагы районының 14 мәктәбендә хокук сәгатьләре уздырылды. Казан шәһәре  Вахитов районының шефлыкка алынган  мәктәпләрендә проектта катнашучылар хокукый тематика буенча гамәлләр уздыралар, аларны Коррупциягә каршы көрәшнең халыкара көненә, РФ Конституциясе һәм РТ Конституциясе көненә багышланды, ә 2013 елда Казан шәһәрендә уздырылачак студентлар Универсиадасына әзерлек чорында террорчылыкны һәм экстремистлыкны кисәтү буенча яшьләр арасында аңлату эшләре алып барыла.

Мәктәп укучыларының иҗади инициативасын һәм  коррупция күренешләренә каршы көрәш белән кызыксынуларын хуплап,  Яшь юристлар Советы әгъзалары коррупциягә каршы көрәш тематикасына социаль реклама  конкурсы йомгакларын  лицейның үзендә ясадылар һәм  җиңүчеләрне билгеләделәр, аларны  Россия юристлары ассоциациясе исеменнән РЮАның Татарстан төбәк бүлекчәсе рәисе, юстиция  министры М.М.Корманов котлаячак. Моннан тыш, “Иң яхшы агитация плакаты” номинациясендә җиңү яулаган 11б сыйныф укучысы Иванюшкина Полинаның “Мисс коррупция” авторлык эше, аның ризалыгы белән социаль  реклама сыйфатында ТР Юстиция министрлыгы сайтында, шулай ук министрлыкның мәгълүмат стендында кулланылачак, ул коррупциягә тискәре мөнәсәбәт булдыруга юнәлдерелә.

Коррупциягә каршы көрәш тематикасы буенча эш тәҗрибәсе Казан шәһәре  Вахитов районының шефлыкка алынган 5нче лицеенда Яшь юристлар Советытарафыннан Казан шәһәренең һәм республиканың мәгариф учреждениеләрендә таратыла.  

2012 елдан Россия юристлары ассоциясенең Татарстан төбәк бүлекчәсе яшьләре, “Балалар университеты”на йөрүче балаларның ата-аналарына ярдәм күрсәтеп,  балаларның үзләрен дә хокук нигезләре белән таныштырып, Казан Идел буе федераль университетының “Балалар университеты” проектында катнаша.

Ел дәвамында иҗтимагый-сәяси “Хокук һәм хәят” журналында хокук гыйлеме алуга “Сорагыз-җавап бирәбез” дигән рубрика багышланды, аның өчен материал республиканың муниципаль районында мәгълүмат- консультация төркеме халыкны кабул итү барышында алынган сораулар нигезендә әзерләнде. 

Заманча технологияләрне кулланып, халыкның хокукый культурасын арттыру

Халыкның хокукый культурасын арттыру гамәлләрен тормышка ашыру кысаларында һәм  видеоэлемтәнең заманча компьютер технологияләрен үстереп, 2011 елдан, халыкны гадәти кабул итү төрләре белән беррәттән, юстиция  министры М.М.Корманов эшендә   гражданнарны кабул итүнең дистанцион алымы да кулланыла.

2012ел дәвамында министр видеоконференцэлемтә аша 7 кабул итү уздырды,аның барышында 58 граждан кабул ителде. Министр җавап биргән сораулар даирәсе киң булды. Сорауларга җаваплар законнарга һәм суд практикасына таянып башкарылды. Видео кабул итү барышында бирелгән сорауларның актуальлеген исәпкә алып, Татарстан Республикасы Юстиция министрлыгы әлеге сорауларны үзенең сайтындагы “Еш бирелә торган сораулар” бүлегендә урнаштырып бара.