Татарстан Республикасы Кайбыч районы җирле үзидарә органнарына методик һәм консультацион ярдәм

2013елның 15 февралендә Татарстан Республикасы Юстиция министрлыгының Хокук мәсьәләләре буенча җирле үзидарә органнары белән хезмәттәшлекне оештыру департаменты хезмәткәрләре һәм Татарстан Республикасы Юстиция министрлыгының Татарстан Республикасы норматив хокукый актларының бердәм банкы бүлеге җирле үзидарә органнарына методик һәм консультацион ярдәм күрсәтү максатларында Татарстан Республикасының Кайбыч районына бардылар.
Юстиция министры урынбасары - Татарстан Республикасы Юстиция министрлыгының Хокук мәсьәләләре буенча җирле үзидарә органнары белән хезмәттәшлекне оештыру департаменты башлыгы М.М.Ибәтов төркемгә җитәкчелек итте.
Әлеге чара кысаларында Кайбыч муниципаль районы башлыгы А.И.Рәхмәтуллин, район башлыгы урынбасары Р.Р.Хәялиев, авыл җирлекләре башлыклары һәм авыл башкарма комитетлары секретарьлары катнашында эшче киңәшмә уздырылды, анда Татарстан Республикасының муниципаль норматив хокукый актларын булдыру һәм алып бару регистры, шулай ук Татарстан Республикасының муниципаль норматив хокукый актларын Татарстан Республикасының муниципаль норматив хокукый актларын булдыру һәм алып бару регистрына кертү өчен җибәргәндә законнарны Татарстан Республикасы муниципаль берәмлекләре тарафыннан типик бозу очраклары мәсьәләләре буенча фикер алышулар уздырылды.
Район башлыгы урынбасары Р.Р.Хәялиев һәм район прокуроры И.М.Гаянов белән берлектә киңәшмәдә катнашучылар муниципаль норматив хокукый актларны кабул итүгә һәм аларны районның рәсми сайтында урнаштыруга бәйле, шулай ук әлеге актларга коррупциягә каршы экспертиза уздыру һәм аларны Татарстан Республикасының муниципаль норматив хокукый актларын булдыру һәм алып бару регистрына кертү өчен җибәрүгә кагылышлы мәсьәләләр буенча фикер алыштылар.
Департамент хезмәткәрләре киңәшмәгә әзерлек барышында район җирле үзидарә органнары эшчәнлегенең аерым юнәлешләренә анализ ясадылар, шуларны исәпкә алып, районның административ комиссиясе эшчәнлеген оештыру буенча тәкъдимнәр, шулай ук муниципаль норматив хокукый актларга һәм аларның проектларына коррупциягә каршы экспертиза уздыруга һәм Татарстан Республикасында дини экстремизмны булдырмау һәм аңа каршы көрәш буенча кирәкле чаралар уздыруга бәйле рәвештә аңлатмалар бирелде.
Шул көнне үк министр урынбасары М.М.Ибәтов район территориясендә яшәүче халыкны шәхсән кабул итте.

ТР Юстиция министрлыгы Матбугат үзәге