Татарстан Республикасы Юстиция министрлыгы каршындагы Иҗтимагый совет утырышында

2013 елның  21 февралендә Татарстан Республикасы Юстиция министрлыгы каршындагы Иҗтимагый совет утырышы уздырылды, анда  Татарстан Республикасы юстиция министры М.М. Корманов катнашты.

Утырышта Иҗтимагый советның 2012 елдагы эшенә йомгак ясалды. Татарстан Республикасы Иҗтимагый палатасы бәяләве буенча Татарстан Республикасы Юстиция министрлыгы каршындагы Иҗтимагый совет республиканың башкарма хакимияте органнарының иҗтимагый советлары арасында 2012 елда иң яхшыларның берсе дип танылды.  

Иҗтимагый совет утырышында 2013 елда Совет эшчәнлеге юнәлешләре  билгеләнде, хокукый бәяләүне таләп итә торган проблемалы мәсьәләләр буенча фикер алышулар уздырылды.

Үткән ел башкарма хакимият органнары каршында төзелгән  иҗтимагый советларның роле тагын да артты. Норматив хокукый актлар проектларын әзерләү һәм алар буенча иҗтимагый фикер алышулар турындагы мәгълүматны башкарма хакимиятнең федераль органнары тарафыннан ачуның Россия Федерациясе Хөкүмәтенең 2012 елның 25 августындагы 851 номерлы карары белән расланган кагыйдәләренең 8 пункты нигезендә иҗтимагый советларга иҗтимагый фикер алышуларның гомуми срогы кимендә  60 календарь көн тәшкил итәргә тиешле норматив хокукый актларның проектлары исемлеген әзерләүчене билгеләү хокукы бирелә. Кайбер норматив хокукый актлар буенча иҗтимагый фикер алышулар уздырылачак.

Татарстан Республикасы Юстиция министрлыгы каршындагы Иҗтимагый совет әгъзасы Н.М. Прусс тәкъдиме буенча  Иҗтимагый советның киләчәк утырышы  “ТИСБИ” идарә университетында уздырылачак.

Татарстан Республикасы Юстиция министрлыгы каршындагы Иҗтимагый совет эше йомгаклары, шулай ук утырыш беркетмәсе белән Татарстан Республикасы Юстиция министрлыгы сайтындагы http://minjust.tatarstan.ru/rus/info.php?id=250101 бүлегендә танышырга була.

ТР Юстиция министрлыгы Матбугат үзәге