Татарстан Республикасының өлкән җәмәгать судьялары белән киңәшмә
Бүген Юстиция министрлыгында республиканың өлкән җәмәгать судьялары белән киңәшмә узды.
Киңәшмәдә гаделлекне камилләштерүнең актуаль юнәлешләренең берсе – суд эшчәнлегендә заманча технологияләрне куллану өлкәсен киңәйтү аша суд йөкләмәсен оптимальләштерү турында фикер алыштылар. Мисалга, юстиция министры урынбасары Надежда Рагозина яңа “электрон чират” сервисына аерым тукталды.
Исегезгә төшерәбез, 2023 елның 3 апреленнән Татарстан Республикасы җәмәгать судьяларының барлык суд участокларында Татарстан Республикасы дәүләт хезмәтләре һәм муниципаль хезмәтләр порталы аша гамәлгә ашырыла торган җәмәгать судьяларына алдан язылу функционалы гамәлгә кертелде.
“Электрон чират” сервисы гражданнарга эш материаллары белән танышу, суд акты, законлы көченә керү билгесе белән суд акты, башкару кәгазе яки архив документлары белән танышу өчен суд участогына язылырга мөмкинлек бирә.
Ахырда шулай ук республиканың җәмәгать судьялары эшчәнлеген тәэмин итү буенча тәкъдимнәр һәм искәрмәләр тикшерелде.