Татарстанда мобилизацияләнгәннәргә, контрактчыларга, волонтерларга һәм аларның гаилә әгъзаларына түләүсез юридик ярдәм күрсәтүне дәвам итәләр
Ел башыннан махсус хәрби операциядә катнашучы 60тан артык кешегә хокукый ярдәм күрсәтелде.
“Татарстан Республикасы дәүләт юридик бюросы” ДКУ белгечләре мобилизацияләнгәннәргә, контрактчыларга, волонтерларга һәм аларның гаилә әгъзаларына түләүсез юридик ярдәм күрсәтү буенча актив эшне дәвам итәләр.
Гражданнарны кабул итү Татарстан Республикасы Юстиция министрлыгында көн саен үткәрелә. Еш кына махсус хәрби операциядә катнашучылар хәрби-табиб комиссиясен үткәрү, шифаханә-курорт дәвалануы һәм иминият түләүләре алу, шулай ук башкарма производстволарны туктату мәсьәләләре буенча мөрәҗәгать итәләр. Бушлай хокукый консультация алырга һәм кабул ителүгә кайнар линия телефоны аша язылырга мөмкин: 222-60-60.
“Юридик берләшмәнең бурычларының берсе - гомумдәүләт бурычларын хәл итүдә ярдәм күрсәтү. Мобилизация башланганнан бирле мобилизацияләнгәннәрнең,ирекле контрактчыларның һәм аларның гаилә әгъзаларының хокукларын һәм бурычларын аңлату кирәклеге барлыкка килде. Хәзер ярдәм аеруча мөһим, шул исәптән хокукый ярдәм дә”, - ди Татарстан Республикасы юстиция министры Рөстәм Заһидуллин.
Татарстан Дәүләт бюросы “Ватанны саклаучылар” махсус хәрби операциясендә катнашучыларга ярдәм итү дәүләт фонды филиалы белән актив хезмәттәшлек итә. 2023 елның 16 июненнән ДКУ һәм Фонд арасында төзелгән килешү гамәлдә. Килешү кысаларында махсус хәрби операциядә катнашучыларга һәм аларның гаилә әгъзаларына дәүләт ярдәм чаралары күрсәтү мәсьәләләре буенча 5 кабул итү узды. Барлык мөрәҗәгать итүчеләргә хокукый мәсьәләләрне хәл итүдә ярдәм итәләр һәм вәкаләтле органнарга гаризалар проектларын әзерләүдә ярдәм күрсәтәләр.
Моннан тыш, Дәүләт юридик бюросы хезмәткәрләре даими рәвештә торак пунктларда махсус хәрби операциядә катнашучыларга хокукый ярдәм күрсәтү өчен күчмә кабул итүләр оештыралар. Быел республиканың 19 ерак җирлекләрендә булдылар.
“Түләүсез юридик ярдәм күрсәтү буенча күчмә чаралар бик мөһим. Алар аерым районнарда яшәүчеләргә юридик мәсьәләләрне хәл итәргә, үз хокукларын һәм бурычларын тормышка ашырырга ярдәм итәләр. Без мондый чараларны алга таба да үткәрәчәкбез”, - дип билгеләп үтте ТР Дәүләт бюросы җитәкчесе Марс Фаткуллин.